OKTOBA 5, 2021
URUSI

HABARI ZA KARIBUNI | Ushauri Kutoka kwa Akina Ndugu Unamwimarisha Ndugu Vitaliy Omelchenko Kuvumilia Mateso

CHEZA

Septemba 22, 2022, Mahakama ya Wilaya katika Eneo la Murmansk ilimhukumu Ndugu Vitaliy Omelchenko. Alitozwa faini ya rubo 500,000 (dola 8,379 za Marekani).

Mfuatano wa Matukio

Januari 29, 2021

Kesi ya uhalifu dhidi ya Vitaliy inafikishwa mahakamani
Januari 20, 2020

Anakamatwa na maofisa wa usalama ili ahojiwe. Alizuiliwa kwa siku mbili kabla ya kuachiliwa. Alizuiwa asiwasiliane na wengine waliohusika katika kesi hiyo na pia asitumie Intaneti
Desemba 23, 2019

Kamati ya Uchunguzi ya Shirikisho la Urusi katika Eneo la Murmansk ilifungua kesi ya uhalifu dhidi ya Vitaliy. Uhalifu wake ni kushiriki utendaji wa dini yake akiwa Shahidi wa Yehova nyumbani kwake mwenyewe

Maelezo Mafupi Kumhusu

Vitaliy Omelchenko

Alizaliwa: 1979 (Roslyakovo, Eneo la Murmansk)

Maisha Yake: Anapenda kucheza dansi, kuteleza kwenye barafu, na kuimba. Alitumikia jeshini kwa miaka miwili.

Alianza kujifunza Biblia na Mashahidi wa Yehova mwaka wa 2000. Alibatizwa mwaka wa 2001. Alifunga ndoa na Natalya mwaka wa 2013. Na baada ya mwaka mmoja, mke wake aliugua sana na sasa ni mlemavu

Maelezo ya Kibinafsi

Je, umeambiwa jambo lenye kutia moyo ambalo limekusaidia kuvumilia jaribu hili?

Ndugu mmoja ambaye ninamwona kuwa kama baba yangu aliniandika barua akiwa mahabusu. Alisema hivi: “Mimi na wewe tumewahi kuzungumzia umuhimu wa kuwa jasiri, imara, hodari, mshikamanifu, na kumtegemea Yehova kabisa bila kuwa na shaka. Sasa wakati umefika kwetu kuonyesha sifa hizo kwa matendo.”

Ni nini kilichokusaidia kuendelea kuwa imara uwongo ulipokuwa ukisambazwa kukuhusu?

Mathayo 5:11 inanikumbusha kwamba watu ‘watatusingizia kila aina ya uovu.’ Hilo lilinisaidia kuvumilia uwongo uliokuwa ukisemwa wakati wa kesi. Nilijikumbusha mara nyingi jinsi wanadamu walivyo duni wanapolinganishwa na Yehova.

Ungewashauri wengine watumieje muda wao ili kujitayarisha kwa ajili ya mateso ya wakati ujao?

Sali Yehova akupe msaada ili uweze kuonyesha ujasiri na kumtegemea hata katika mambo madogo. Endelea kuhudhuria mikutano ya kutaniko na kushiriki kwa ukawaida. Tumia wakati katika huduma ukiwa na waabudu wenzako. Utakapokabili mateso, utaendelea kuhisi ukiwa karibu na ndugu na dada zako.

Vitaliy anapoendelea kufaidika kikamili kutokana na mafundisho na faraja kutoka kwa Maandiko, tunatiwa moyo na mfano anaotuwekea.—Waroma 15:4.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI