APRILI 1, 2024 | HABARI ZIMEONGEZWA: JULAI 30, 2024
URUSI

HABARI ZA KARIBUNI—WATATU WAMEHUKUMIWA | “Sitavunja Utimilifu Wangu”

CHEZA

Julai 30, 2024, Mahakama ya Jiji la Nikolaevsk-on-Amur iliyo katika Eneo la Khabarovsk ilimhukumu Ndugu Igor Kletkin na Ndugu Nikolay Kononenko kifungo cha nje cha miaka sita. Dada Nadezhda Korobochko alihukumiwa kifungo cha nje cha miaka mitano. Hawahitaji kwenda gerezani wakati huu.

Maelezo Mafupi Kuwahusu

Igor Kletkin

Alizaliwa: 1961 (Nikolaevsk-on-Amur)

Maisha Yake: Alifanya kazi ya udereva

Mama yake alipatwa na ugonjwa wa kupooza baada ya kupata aksidenti, Igor alijiuliza kwa nini mambo hayo hutukia. Alifurahi sana kupata majibu yenye kuridhisha kutoka katika Biblia. Alibatizwa mwaka wa 1999 na kuwa Shahidi wa Yehova

Maelezo ya Kibinafsi

Ni nini ambacho hukusaidia kudumisha mtazamo mzuri katika nyakati hizi ngumu?

Ingawa haijawa rahisi kwangu kukabiliana na majaribu, hayajanifanya nipoteze imani katika Yehova. Badala yake, nimeyaona kuwa sehemu ya utumishi wangu kwa Yehova. Ninakumbuka maneno ya Yesu kwenye Yohana 15:20 aliposema: “Ikiwa wamenitesa mimi watawatesa ninyi pia.” Sitavunja utimilifu wangu. Siwezi kamwe kumsaliti Yehova, Yesu, na ndugu na dada zangu. Nimeazimia kuwawekea wengine mfano mzuri.

Tunamshukuru Yehova kwa kuwatunza kwa upendo na na kuwategemeza wote wanaomtumaini na kutangaza: “Wewe ni Mungu wangu.”—Zaburi 31:14.

Mfuatano wa Matukio

Oktoba 11, 2021

Nyumba ya Igor na ya Nadezhda zilifanyiwa msako. Igor aliwekwa kizuizini
Oktoba 12, 2021

Nadezhda alihojiwa
Oktoba 13, 2021

Igor aliachiliwa kutoka kizuizini
Oktoba 14, 2021

Igor na Nadezhda waliwekewa vizuizi vya kusafiri
Septemba 27, 2022

Nikolay aliwekewa vizuizi vya kusafiri
Januari 16, 2023

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI