MEI 3, 2022 | HABARI ZIMEONGEZWA: MACHI 26, 2024
URUSI

HABARI ZA KARIBUNI—WATOZWA FAINI | Sala Iliwaimarisha

CHEZA

Machi 25, 2024, Mahakama ya Wilaya ya Votkinskiy ya Jamhuri ya Udmurtian ilitangaza hukumu ya kumtoza Ndugu Sergey Gobozev faini ya rubo 450,000 (dola 4,855 za Marekani) na kumtoza Ndugu Mikhail Potapov faini ya rubo 400,000 (dola 4,316 za Marekani).

Mfuatano wa Matukio

Januari 20, 2021

Kesi ya uhalifu ilifunguliwa dhidi ya Sergey na Mikhail, walishtakiwa kwa kupanga utendaji wa shirika lenye msimamo mkali
Januari 21, 2021

Nyumba ya Sergey ilipekuliwa. Wenye mamlaka walichukua vitu vyake vya kibinafsi, kama vile leseni ya udereva, hati za gari, vifaa vya kielektroni, picha zake, na tafsiri mbalimbali za Biblia. Wenye mamlaka walimkamata Mikhail na kupekua nyumba yake
Januari 22, 2021

Sergey aliwekwa katika kifungo cha nyumbani. Mikhail alipelekwa mahabusu
Mei 18, 2021

Sergey aliondolewa kifungo cha nyumbani lakini akawekewa vizuizi vya kusafiri
Mei 19, 2021

Mikhail aliachiliwa kutoka mahabusu na akawekewa vizuizi vya kusafiri
Oktoba 7, 2021

Kesi ilianza

Maelezo Mafupi Kuwahusu

Mikhail Potapov

Alizaliwa: 1978 (Kepa, Jamhuri ya Karelia)

Maisha Yake: Anarekebisha na kutunza vifaa vya ofisini

Alikuwa akitafuta msaada wa kuielewa Biblia. Mwishowe alipata majibu alipojifunza pamoja na Mashahidi wa Yehova. Alibatizwa mwaka wa 2003. Alifunga ndoa na Tamara mwaka wa 2011

Maelezo ya Kibinafsi

Uliwezaje kudumisha shangwe yako ulipokuwa mahabusu?

Mwezi wa kwanza nilipowekwa mahabusu sikuwa na Biblia. Basi katika juma la kwanza, kila asubuhi nilijaribu kukumbuka mistari kumi ya Biblia na kuitafakari. Juma la pili, nikaanza kuweka alama kwenye mistari ya Biblia iliyokuwepo katika barua nilizopokea. Nilifurahi sana nilipofanikiwa kupata nakala ya Biblia. Niliisoma Biblia nzima kwa miezi mitatu tu.

Sala ilikusaidiaje?

Nilisali kwa Yehova mara nyingi kuliko wakati mwingine wowote. Sikuwahi kuwazia kwamba ningeweza kusali kwa vipindi virefu hivyo.

Sikuzote Yehova alijibu sala zangu hasa nilipokuwa nimevunjika moyo. Kuna pindi ambazo niliishiwa na nguvu na nikakata tamaa. Nyakati hizo nilihisi ni kana kwamba Yehova ananiinua na kunipa nguvu niliyohitaji.

Tuna uhakika kwamba Yehova ataendelea kuwategemeza Sergey na Mikhail wanapojitahidi kadiri wawezavyo kuimarisha imani yao kupitia funzo la Biblia na sala.—Wakolosai 2:6, 7.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI