NOVEMBA 4, 2022
URUSI

HABARI ZA KARIBUNI—WENZI WA NDOA WAHUKUMIWA | Waimarishwa na Mifano ya Imani Katika Biblia

CHEZA

Novemba 8, 2022, Mahakama ya Jiji la Petropavlovsk-Kamchatskiy iliyo katika Eneo la Kamchatka ilimhukumu Ndugu Dmitriy Semenov na mke wake, Nadezhda. Wote wawili walihukumiwa kifungo cha nje cha miaka minne. Hawahitaji kwenda gerezani wakati huu.

Mfuatano wa Matukio

Septemba 3, 2021

Dmitriy na Nadezhda walizungumza kuhusu Biblia pamoja na mwanamke fulani, lakini mwanamke huyo alianza kutoa habari kwa FSB. Habari hizo zilitumiwa kuanzisha kesi ya uhalifu dhidi yao. Walishtakiwa kwa madai ya kuwashawishi wengine kujiunga na shirika lenye msimamo mkali na kushiriki katika utendaji wake
Septemba 6, 2021

Msako ulifanywa katika nyumba yao. Walichukuliwa ili wakahojiwe na wakawekewa vizuizi vya kusafiri
Julai 26, 2022

Kesi ya uhalifu ilianza

Maelezo Mafupi Kuwahusu

Dmitriy Semenov

Alizaliwa: 1984 (Petropavlovsk-Kamchatskiy)

Maisha Yake: Alisomea mambo ya kompyuta na hesabu. Yeye ni mtaalamu wa mambo ya kompyuta

Aliwafahamu Mashahidi wa Yehova kupitia mshiriki wa familia yake. Alibatizwa mwaka wa 2006. Alichagua kufanya utumishi wa badala wa kiraia na si kutumikia jeshini

Alifunga ndoa na Nadezhda mwaka wa 2010

Maelezo ya Kibinafsi

Ni mfano gani kutoka kwa Biblia ambao umekusaidia kuimarisha tumaini lako katika Yehova?

Hata kabla ya mateso haya kuanza, nilikuwa nimetafakari kuhusu mfano wa Yeremia, hasa alipotupwa gerezani katika kipindi ambacho jiji la Yerusalemu lilikuwa limezingirwa na Wababiloni. Ni kana kwamba Yeremia hakuwa na njia ya kutokea, lakini Yehova alimlinda kwa njia ya pekee sana. Wakaaji wa Yerusalemu walipatwa na njaa lakini Yeremia aliandaliwa chakula na aliokoka jiji lilipoharibiwa. (Yeremia 37:21) Yehova huona mambo kwa njia tofauti na yetu na anajua hali zitakavyokuwa. Inapoonekana kana kwamba hakuna njia ya kutokea Yehova anaandaa njia kwa wakati unaofaa.

Nadezhda Semenova

Alizaliwa: 1985 (Yekaterinburg, Eneo la Sverdlovsk)

Maisha Yake: Alipokuwa mtoto, alipenda kuimba kwenye kwaya ya shule na kucheza dansi. Yeye ni karani katika duka fulani

Nadezhda alipata kweli kutoka kwa dada yake mkubwa ambaye alikuwa ameanza kujifunza Biblia. Nadezhda, mama yake, na dada yake waliamua kuwa Mashahidi wa Yehova. Nadezhda alibatizwa mwaka wa 1997

Alifunga ndoa na Dmitriy mwaka wa 2010

Maelezo ya Kibinafsi

Ni simulizi gani la Biblia ambalo limeimarisha imani yako?

Hivi karibuni, tulijifunza kuhusu mfano wa mjane wa Sarefathi. Mjane huyo alihitaji kwanza kudhihirisha imani kabla ya kupokea baraka. Makala tuliyojifunza ilisema: “Mungu huwabariki wale wanaotenda kwa imani.” Ilikuwa na nukuu hili kutoka kwa gazeti la Zion’s Watch Tower, la mwaka wa 1898: “Ndivyo ilivyo kwetu pia,—wakati fulani katika safari yetu maishani Bwana huruhusu hali zinazojaribu imani yetu. Tukionyesha imani tutapata baraka; tusipoonyesha imani, tutakosa baraka hizo.”

Makala hiyo ilinifundisha kwamba hata nikikabili majaribu magumu jinsi gani, ni muhimu nitimize sehemu yangu kwa kubaki mshikaminifu kwa Yehova na kwa ndugu na dada zangu. Nikifanya hivyo, Yehova atanisaidia kuvumilia kwa kunipa ujasiri, imani, na nguvu ninazohitaji.

Dmitriy na Nadezhda wanajionea moja kwa moja kwamba Yehova huwasaidia watumishi wake kuwa jasiri na imara wanapokabili mateso. Yeye hawaachi kwamwe.—Yoshua 1:9.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI