MACHI 19, 2024
URUSI

HABARI ZA KARIBUNI—WENZI WA NDOA WAHUKUMIWA | ‘Yehova Ndiye Anayenifariji’

CHEZA

Aprili 22, 2024, Mahakama ya Jiji la Kamchatskiy iliyo katika Eneo la Kamchatka ilimhukumu Ndugu Sergey Chechulin na mke wake, Dada Yelena Chechulina. Kila mmoja wao alipokea kifungo cha nje cha miaka miwili. Hawahitaji kwenda gerezani wakati huu.

Maelezo Mafupi Kuwahusu

Sergey Chechulin

Alizaliwa: 1968 (Tymlat, Eneo la Kamchatka)

Maisha Yake: Alilelewa katika kituo cha kuwatunzia mayatima. Anafanya kazi katika kampuni kubwa ya vifaa vya kupasha nyumba joto

Rafiki yake ambaye alikuwa ameanza tu kujifunza Biblia, alimwalika ahudhurie mikutano ya Mashahidi wa Yehova. Sergey alipata majibu yenye kuridhisha ya maswali yake. Alibatizwa mwaka wa 1995

Alifunga ndoa na Yelena mwaka wa 2000. Wana mwana mmoja

Maelezo ya Kibinafsi

Je, kuna mstari wowote wa Biblia ambao ulikutia moyo wewe na mke wako?

Tuliwekewa vizuizi vya kusafiri, wenye mamlaka wakachukua gari letu, na akaunti zetu za benki zikafungwa. Lakini tunathamini hata zaidi maneno ya Zaburi 55:22 inayosema: “Mtupie Yehova mzigo wako, naye atakutegemeza. Hataruhusu kamwe mwadilifu aanguke.” Yehova ameahidi kwamba atatusaidia kuwa imara. Kwa msaada wake, hatujadhoofika kwa sababu ya hali tunazokabili kwa sasa. Tumejifunza kumtegemea Yehova hata zaidi na undugu wetu. Na tumeazimia kumtumikia kikamili zaidi sasa kuliko wakati mwingine wowote.

Yelena Chechulina

Alizaliwa: 1978 (Petropavlovsk-Kamchatskiy)

Maisha Yake: Anafanya kazi akiwa muuguzi

Mama yake Yelena alianza kujifunza Biblia na Mashahidi wa Yehova. Hilo lilimsaidia Yelena kutambua uhitaji wake wa kiroho, na akaomba afundishwe Biblia. Alibatizwa mwaka wa 2000

Alifunga ndoa na Sergey mwaka wa 2000

Maelezo ya kibinafsi

Umejifunza nini kumhusu Yehova baada ya kupitia hali hii?

Nimetambua kwamba hali zinapobadilika maishani mwangu, uelewaji wangu wa Biblia unaongezeka hata zaidi. Kwa mfano, kadiri nilivyopitia mateso, nilithamini hata zaidi kile ambacho Paulo aliandika kwenye Waroma 8:38, 39: “Kwa maana nimesadiki kwamba wala kifo wala uzima wala malaika wala serikali wala mambo yaliyopo sasa wala mambo yatakayokuja wala nguvu wala kimo wala kina wala uumbaji mwingine wowote havitaweza kututenga na upendo wa Mungu ulio katika Kristo Yesu Bwana wetu.” Yehova anapotaka kunionyesha kwamba ananipenda, hakuna chochote kinachoweza kumzuia kufanya hivyo. Na anafanya hivyo kwa njia ambayo ninabaki nikiwa sina shaka yoyote kwamba Yeye ndiye anayenifariji. Yehova hajakaa tu kimya au kuficha upendo wake kwa watumishi wake. Ninajua kwamba hali hizi zitanisaidia kuvumilia majaribu yoyote ambayo nitakabili wakati ujao.

Kama Sergey na Yelena, sisi pia, tunathamini zawadi kamilifu ya Neno la Mungu kwa kuwa inaturudishia nguvu na inatupatia hekima tunayohitaji ili tubaki tukiwa waaminifu tunapokabili majaribu.—Zaburi 19:7.

Mfuatano wa Matukio

Septemba 25, 2022

Kesi ya uhalifu ilifunguliwa
Oktoba 17, 2022

Nyumba ilifanyiwa msako
Septemba 6, 2023

Sergey aliwekewa vizuizi vya kusafiri
Septemba 7, 2023

Yelena aliwekewa vizuizi vya kusafiri
Desemba 26, 2023

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI