FEBRUARI 3, 2022 | HABARI ZIMEONGEZWA: JULAI 20, 2023
URUSI

Habari za Karibuni—Ndugu Ameachiliwa | Kusoma Biblia Kila Siku na Kutafakari Kunamsaidia Ndugu Aleksey Ukhov Kumtumaini Yehova

CHEZA

Julai 18, 2023, Mahakama ya Eneo la Khabarovsk ilibadili kifungo cha miaka sita na nusu ambacho Ndugu Aleksey Ukhov alikuwa amepewa. Sasa atatumikia kifungo cha nje cha miaka sita na nusu. Aliachiliwa kutoka gerezani muda mfupi baada ya uamuzi huo kutangazwa.

Machi 24, 2023, Mahakama ya Jiji la Sovetsko-Gavansky katika Eneo la Khabarovsk ilimhukumu Aleksey kifungo cha miaka sita na nusu gerezani. Alipelekwa moja kwa moja kizuizini baada ya kutoka mahakamani.

Mfuatano wa Matukio

Oktoba 22, 2020

Maofisa wa FSB walifanya upekuzi katika nyumba ya akina Ukhov. Walichukua vifaa vya kielektroni, kadi za simu, kadi za benki, hati za kibinafsi, na machapisho. Wapelelezi walimweka kizuizini
Oktoba 23, 2020

Mahakama iliagiza awekwe mahabusu
Julai 9, 2021

Aliachiliwa na kuagizwa aondoke eneo la Komsomolsk-on-Amur, ambako alikuwa amezuiliwa
Septemba 6, 2021

Kesi ya uhalifu ilianza

Maelezo Mafupi Kumhusu

Aleksey Ukhov

Alizaliwa: 1980 (Lososina)

Maisha Yake: Alijihusisha sana katika kuwasiliana na roho alipokuwa kijana. Baada ya kujifunza Biblia na Mashahidi wa Yehova alipokuwa tineja, alifanya mabadiliko makubwa. Alibatizwa mwaka wa 1996. Alifunga ndoa na Liliya mnamo 2003

Maelezo ya Kibinafsi

Ni nini kilichokusaidia kudumisha shangwe ulipokuwa kizuizini?

Kusoma Biblia kwa ukawaida na kutafakari kulinisaidia. Mara tu nilipopata kalamu na karatasi, nilianza kuandika mawazo yenye kupendeza katika kila sura ya Biblia. . . . Nilipokuwa kizuizini niliisoma Biblia yote, kisha nikaanza tena kuisoma upya hadi kufikia kwenye “manabii wadogo.” Kwa njia fulani, kusoma na kutafakari kulinisaidia nihisi kana kwamba sijazuiwa na kuta za gereza hilo.

Kuzuiliwa katika eneo hilo kuliimarishaje uhakika wako katika Yehova?

Wakati fulani nilianza kuona wazi kwamba kabla ya kuzuiliwa nilikuwa nimejitegemea na kutegemea nguvu zangu kufanya mambo mengi. . . . Katika shughuli zangu za kila siku, mara nyingi nilikuwa na uhakika kabisa kwamba ningeweza kutatua mambo mimi mwenyewe. Ikiwa kitu kingeharibika, ningekirekebisha. Ikiwa nilihitaji kitu, ningekinunua. . . . Sasa, nisingeweza kufanya jambo lolote ili kutatua matatizo yaliyosababishwa na hali zangu mpya. Nilianza kuelewa kwamba kumtegemea Yehova kunamaanisha kuacha kila kitu mikononi mwake.

Tunajua kwamba Yehova ataendelea kumthawabisha Aleksey kwa ‘kujikabidhi mkononi mwa Yule anayehukumu kwa uadilifu.’—1 Petro 2:23.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI