APRILI 28, 2023
URUSI

‘Hakuna Chochote Kinachoweza Kuiondoa Shangwe Yangu’

CHEZA

Mahakama ya Jiji la Kovrovskiy ya Eneo la Vladimir itatangaza hivi karibuni hukumu yake katika kesi inayomhusu Ndugu Roman Adestov. Mwendesha-mashtaka bado hajatoa ombi la hukumu anayopendekeza.

Maelezo Mafupi Kumhusu

Roman Adestov

Alizaliwa:1976 (Kovrov)

Maisha Yake: Baba yake alikufa wakati Roman alikuwa na umri wa miaka 13. Anafanya kazi ya kuchomelea vyuma kwa kutumia gesi na umeme

Alifunga ndoa na Alina mwaka wa 1999. Wana binti mmoja

Alisadiki nguvu za Biblia alipoona jinsi maisha yake yalivyokuwa bora zaidi alipotumia kanuni za Biblia. Alina alibatizwa na kuwa Shahidi wa Yehova mwaka wa 2005 na Roman alibatizwa mwaka wa 2006

Maelezo ya Kibinafsi

Ndugu na dada wamekusaidiaje?

Ninafurahi kujua kwamba nimezungukwa na ndugu na dada ulimwenguni pote ambao wanampenda Yehova kama ninavyompenda! Na kujua kwamba ndugu na dada zangu wapendwa wanasali kwa ajili yangu kumeniimarisha niendelee kusonga mbele kuelekea katika ulimwengu mpya. Mimi na mke wangu tumefuata ushauri ambao ndugu mmoja alitupatia. Alitukumbusha tusiache kupendezwa na wengine kwa sababu tukifanya hivyo, tutaanza kujihurumia wenyewe. Tunajitahidi kabisa kuwasaidia wengine, na hilo hutusaidia tusilemewe na matatizo yetu. Ninamshukuru Yehova sana kwa kuniruhusu niwe sehemu ya familia yake kubwa.

Ni nini kinachokusaida uendelee kuwa na mtazamo mzuri licha ya kwamba hujui kitakachotokea?

Hatujui kesho itakuwaje, na siwezi kujiandaa kukabiliana na hali zote ambazo huenda zikatokea. Hata hivyo, nina uhakika kwamba nina kibali cha Yehova na ninakumbuka kwamba ananisaidia kupigana vita vya kiroho. Na ikiwa nitaendelea kujitoa kwa moyo wote kwa Mungu wangu mwenye upendo Yehova, basi hakuna yeyote au chochote kinachoweza kuiondoa shangwe yangu.

Tuna uhakika kwamba Yehova, “Mwamba wa milele” ataendelea ‘kuwalinda wale wanaomtegemea kikamili’ na ‘atawapa amani inayodumu.’—Isaya 26:3, 4.

Mfuatano wa Matukio

Juni 28, 2021

Kesi ya uhalifu yafunguliwa
Julai 8, 2021

Msako wafanywa nyumbani kwake. Akamatwa
Julai 9, 2021

Awekwa kizuizini
Novemba 25, 2021

Aachiliwa kutoka kizuizini na kuwekwa chini ya kifungo cha nyumbani
Juni 21, 2022

Aachiliwa kutoka kifungo cha nyumbani na kuwekewa vizuizi vya kusafiri
September 26, 2022

Kesi ya uhalifu yaanza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI