DESEMBA 6, 2023
URUSI

“Hakuna Jaribu Linaloweza Kuvunja Imani ya Kweli”

CHEZA

Mahakama ya Wilaya ya Kaltanskiy iliyo katika Eneo la Kemerovo itatangaza uamuzi wake hivi karibuni katika kesi inayomhusu Ndugu Aleksandr Tsikunov. Mwendesha-mashtaka bado hajatoa ombi la hukumu anayopendekeza.

Maelezo Mafupi Kumhusu

Aleksandr Tsikunov

Alizaliwa: 1967 (Kaltan)

Maisha Yake: Alifanya kazi akiwa mhandisi wa ujenzi

Alifunga ndoa na Yelena mwaka wa 1989

Aliamini kwamba hakuna Mungu. Alifundishwa Biblia na mfanyakazi mwenzake ambaye ni Shahidi wa Yehova. Aleksandr alisoma Biblia nzima kwa muda wa miezi sita kabla ya kukubali funzo la Biblia. Alibatizwa mwaka wa 1997. Aliwaeleza watu wake wa familia kuhusu kweli kisha mama yake, dada yake mkubwa, na mke wake wakawa Mashahidi wa Yehova

Maelezo ya Kibinafsi

Ni simulizi gani la Biblia ambalo limekusaidia katika kipindi hiki kigumu?

Nimetiwa moyo sana na mfano wa nabii Danieli. Danieli 6:4, 5, inasema: “Wakati huo maofisa wakuu na maliwali walikuwa wakitafuta msingi fulani wa kumshtaki Danieli kuhusiana na mambo ya serikali, lakini hawakuweza kupata msingi wowote wa kumshtaki wala ufisadi wowote, kwa sababu alikuwa mwenye kutegemeka, naye hakupatikana kamwe akiwa mzembe wala mfisadi. Ndipo wanaume hao wakasema: ‘Hatutapata msingi wowote wa kumshtaki huyu Danieli, isipokuwa tutafute msingi wa kumshtaki kuhusiana na sheria ya Mungu wake.’” Kwa kuwa hawakupata kosa lolote dhidi ya Danieli ambalo wangetumia ili kumshtaki, waliamua kumtafutia kosa kwa kujaribu ushikamanifu wake na ibada anayomtolea Mungu. Walimfuatilia kisiri ili wamkamate. Na kama ilivyokuwa kawaida yake aliendelea kumwabudu Yehova. Danieli ni mmoja kati ya watumishi wa Mungu washikamanifu ambao wamethibitisha ukweli huu: Hakuna jaribu linaloweza kuvunja imani ya kweli. Kielelezo chake kinanichochea kuendelea kuwa na mengi ya kufanya kadiri ninavyoweza katika ibada ninayomtolea Yehova.

Tunafurahi kuwa na vielelezo vingi vya watu washikamanifu wanaotukumbusha kwamba yeyote anayemwamini Yehova na Mwana wake, Yesu Kristo, hatakata tamaa.—Waroma 10:11.

Mfuatano wa Matukio

Aprili 27, 2021

Kesi ya uhalifu ilifunguliwa
Mei 2, 2021

Nyumba ilifanyiwa msako. Alikamatwa na kupelekwa mahabusu
Mei 4, 2021

Alitolewa mahabusu na kuwekwa katika kifungo cha nyumbani
Juni 24, 2021

Aliachiliwa kutoka katika kifungo cha nyumbani na kuwekewa vizuizi vya kusafiri
Julai 25, 2023

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI