MEI 29, 2023
URUSI

Kanuni za Biblia Zawasaidia Akina Ndugu Kuvumilia Mateso

CHEZA

Mahakama ya Wilaya ya Pozharskiy iliyo Primorsky itatangaza hivi karibuni uamuzi wake katika kesi inayowahusu Ndugu Nikolay Dikhtyar, Ndugu Andrey Lyakhov, Ndugu Yuriy Ponomarenko, na Ndugu Oleg Sergeyev.

Maelezo Mafupi Kuwahusu

Nikolay Dikhtyar

Alizaliwa: 1954 (Ukrainia)

Maisha Yake: Alifanya kazi akiwa mhandisi aliyebuni mifumo ya kupasha joto chumba au kuleta baridi

Alisadiki kwamba Biblia ni sahihi alipoona jinsi unabii wa Biblia unavyotimizwa katika siku zetu. Alibatizwa na kuwa Shahidi wa Yehova mwaka wa 1998

Maelezo ya Kibinafsi

Ni nini ambacho kimekusaidia kudumisha mtazamo mzuri katika kipindi hiki kigumu?

Nilipojua kwamba mateso yameanza nchini Urusi, sikushangaa. Nilitambua kwamba jambo muhimu zaidi ambalo ningefanya ni kujitayarisha. Ninaelewa kwamba siwezi kuepuka mateso na matatizo. (2 Timotheo 3:12) Tengenezo la Yehova linatutegemeza sana kupitia chakula cha kiroho na sala zinazotolewa kwa ajili yetu. Sikuzote, mimi huhisi kana kwamba Yehova na Yesu wako kando yangu na wananipa nguvu na subira.

Andrey Lyakhov

Alizaliwa: 1978 (Voznesenka, Eneo la Primorye)

Maisha Yake: Alifanya kazi akiwa mjenzi anayeshughulikia hatua za mwisho za ujenzi wa ndani ya nyumba na kuirekebisha upya

Alikutana na Mashahidi wa Yehova mwaka wa 2014. Walimsaidia kupata majibu ya maswali yake kutoka kwenye Biblia na hilo lilimsadikisha kwamba amepata kweli. Alibatizwa mwaka wa 2016

Maelezo ya Kibinafsi

Ni nini kimekusaidia kuendelea kuwa na imani yenye nguvu?

Ninaelewa kwamba nikivunjika moyo, nitakuwa na wasiwasi mwingi na nitakata tamaa. Vilevile, ninajua kwamba ili nidumishe shangwe yangu ninahitaji kufanya mengi zaidi kuliko nilivyokuwa nikifanya. Kwenye Mathayo 6:33, Yesu alitutia moyo ‘tuendelee kuutafuta kwanza Ufalme.’ Kutafakari andiko hilo kunanisaidia niendelee kukazia fikira mambo ya kiroho. Ninajikumbusha kwamba Yehova ananisaidia kukabiliana na matatizo yanapotokea. Kwa hiyo, sipaswi kuvunjika moyo na kuanza kuwa na wasiwasi kuhusu mambo ambayo huenda yakatokea au yasitokee.

Oleg Sergeyev

Alizaliwa: 1984 (Vladivostok, Eneo la Primorye)

Maisha Yake: Yeye ni fundi-umeme

Wazazi wake walibatizwa na kuwa Mashahidi wa Yehova, Oleg alipokuwa mdogo. Alisadiki amepata ukweli baada ya kuwa na funzo la Biblia la kibinafsi. Alibatizwa mwaka wa 1999

Alifunga ndoa na Anastasiya mwaka wa 2010. Wana watoto watatu

Maelezo ya Kibinafsi

Je, kuna kanuni ya Biblia ambayo imekusaidia sana?

Nimefikiria sana maneno ya Yesu kwenye Luka 12:25, 26: “Ni nani kati yenu ambaye kwa kuhangaika anaweza kurefusha uhai wake kwa mkono mmoja? Basi, kama hamwezi kufanya jambo dogo kama hilo, kwa nini mhangaikie yale mambo mengine?” Kanuni hiyo inanikumbusha kwamba badala ya kuruhusu hisia zangu zinilemee, ninahitaji kujiambia ‘Acha kuhangaika!’ mahangaiko yangu yanapoanza kunilemea. Kuna mambo yanayotukia maishani na siwezi kuyabadili. Jambo muhimu zaidi ninaloweza kufanya ni kujifunza kuvumilia hali hizi mpya na kumtegemea Yehova hata zaidi.

Tunajua kwamba, kama tu Andrey, Nikolay, Oleg, na Yuriy, sisi pia tunaweza kuwa na “vifaa kamili kwa ajili ya kila kazi njema” tukitumia kanuni za Biblia maishani mwetu.—2 Timotheo 3:16, 17.

Mfuatano wa Matukio

Julai 16, 2021

Kesi ya uhalifu yafunguliwa dhidi ya Yuriy. Inadaiwa kwamba anashiriki katika utendaji wa shirika lenye msimamo mkali
Julai 22, 2021

Msako unafanywa nyumbani kwa Yuriy
Julai 24, 2021

Yuriy awekewa vizuizi vya kusafiri
Novemba 1, 2021

Msako unafanywa nyumbani kwa Oleg
Novemba 2, 2021

Oleg awekewa vizuizi vya kusafiri
Februari 12, 2022

Oleg ashtakiwa na kuongezwa kwenye kesi ya uhalifu
Machi 14, 2022

Nikolay ashtakiwa na kuongezwa kwenye kesi ya uhalifu
Machi 15, 2022

Andrey ashtakiwa na kuongezwa kwenye kesi ya uhalifu
Agosti 10, 2022

Kesi ya uhalifu yaanza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI