APRILI 20, 2023
URUSI

Kuchunguza Uumbaji Kunamwimarisha Ndugu Okhapkin

CHEZA

Mahakama ya Jiji la Kineshemskiy iliyo katika Eneo la Ivanovo itatangaza hivi karibuni uamuzi wake katika kesi inayomhusu Ndugu Andrey Okhapkin. Mwendesha-mashtaka bado hajatoa ombi la hukumu anayopendekeza.

Maelezo Mafupi Kumhusu

Andrey Okhapkin

Alizaliwa: 1962 (Zavolzhsk, Eneo la Ivanovo)

Maisha Yake: Alifanya kazi akiwa mtaalamu wa programu za kompyuta na mwalimu wa fizikia

Alifunga ndoa na Irina mwaka wa 1987. Irina alianza kujifunza Biblia na Mashahidi wa Yehova mwaka wa 1994. Andrey alianza kujifunza Biblia pia baada ya kusadikishwa kwamba kuna Muumba. Wote walibatizwa mwaka wa 1995

Maelezo ya Kibinafsi

Ni nini kilichokusaidia kukabiliana na hisia za kuvunjika moyo ulipokuwa katika kifungo cha nyumbani?

Ni kwa kumweleza Yehova mambo hususa, hata kifupi tu, hilo lilinisaidia nisijihurumie kupita kiasi. Pia, nilipokuwa nikihisi nimevunjika moyo, nilimfikiria Ayubu. Yehova alitumia vitu alivyoumba kumkumbusha Ayubu sifa mbalimbali nzuri za Muumba. Nilijaribu kufanya hivyo pia. Nilitazama jua linapochomoza asubuhi. Nilitazama kwa makini mawingu, anga, na miti. Nilipendezwa sana na jinsi ndege hupaa angani. Nilichunguza tabia za paka na mbwa wanaoishi nje ya jengo letu. Niliketi barazani nikifanya hivyo kwa miezi mitano hivi. Hilo limenisaidia kutambua sifa nyingi zaidi za Yehova. Sasa, ninaelewa zaidi upendo wa Yehova akiwa Baba yetu.

Umetiwaje moyo na wengine wanaovumilia majaribu?

Nilipokuwa mahabusu, nilipokea barua kutoka kwa ndugu aliyekuwa gerezani. Aliandika hivi: “Watu huniuliza, ‘Je, unaogopa?’ Nikiwajibu hapana nitakuwa nasema uwongo. Lakini tunahitaji kushinda woga wetu na ndio sababu tunahitaji ujasiri. Tukiwa watumishi wa Yehova, tunajulikana kwa ujasiri wetu kwa sababu Yehova ndiye anatupatia ujasiri huo. Kumbuka kwamba jambo muhimu ni kadiri ambavyo imani yetu ina nguvu na si kadiri ambavyo tunakabili majaribu.” Niliposoma ujumbe huo na pia masimulizi ya wengine nilikumbuka kwamba ninahitaji kuimarisha uhusiano wangu na Yehova na kujaza akili na moyo wangu chakula cha kiroho.

Kama vile Andrey, tunathamini “kazi za Mungu zinazostaajabisha,” ambazo zinatukumbusha utunzaji wake wenye upendo.—Ayubu 37:14.

Mfuatano wa Matukio

Novemba 18, 2021

Kesi ya uhalifu yafunguliwa
Novemba 23, 2021

Nyumba sita za Mashahidi wa Yehova zafanyiwa msako, kutia ndani nyumba ya Andrey. Alikamatwa na kuwekwa kizuizini
Novemba 24, 2021

Alishtakiwa kuwa mhalifu
Novemba 25, 2021

Alipelekwa mahabusu
Februari 17, 2022

Alitolewa mahabusu na kuwekwa katika kifungo cha nyumbani
Julai 14, 2022

Aliachiliwa kutoka kwenye kifungo cha nyumbani na kuwekewa vizuizi vya kusafiri
Desemba 15, 2022

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI