AGOSTI 30, 2022
URUSI

“Kuendelea Kumtumaini Yehova”

CHEZA

Mahakama ya Jiji la Bikinskiy iliyo katika Eneo la Khabarovsk itatangaza hivi karibuni uamuzi wake katika kesi ya Ndugu Sergey Kazakov. Mwendesha-mashtaka bado hajatoa ombi la hukumu anayopendekeza.

Mfuatano wa Matukio

Novemba 9, 2020

Kesi ya uhalifu ilifunguliwa dhidi yake. Alishtakiwa kwa kupanga utendaji wenye msimamo mkali
Desemba 21, 2020

Halmashauri ya Upelelezi ilishirikiana na maofisa wa FSB kufanya msako katika nyumba kumi, kutia ndani nyumba ya Sergey. Sergey alikamatwa na kuwekwa kizuizini
Desemba 23, 2020

Alipelekwa mahabusu
Juni 4, 2021

Aliachiliwa kutoka mahabusu na kuwekwa kwenye kifungo cha nyumbani
Agosti 5, 2021

Aliachiliwa kutoka kifungo cha nyumbani
Februari 28, 2022

Kesi ya uhalifu ilianza. Iliposikilizwa kwa mara ya kwanza, hakimu alirudisha kesi kwenye ofisi ya mwendesha-mashtaka kwa sababu mwendesha-mashtaka huyo hakufuata utaratibu vizuri
Aprili 28, 2022

Hakimu alikanusha uamuzi wa kurudisha kesi kwa mwendesha-mashtaka na kuagiza kesi hiyo isikilizwe katika mahakama hiyo kwa mara nyingine tena
Juni 14, 2022

Kesi ya uhalifu ilianza kusikilizwa upya

Maelezo Mafupi Kumhusu

Sergey Kazakov

Alizaliwa: 1974 (Petropavlovsk-Kamchatskiy, Eneo la Kamchatka)

Maisha Yake: Alifanya kazi katika kikosi cha zima-moto

Alianza kujifunza Biblia alipomwona binamu yake akifanya mabadiliko mazuri maishani mwake baada ya kuwa Shahidi wa Yehova. Alibatizwa mwaka wa 2002

Maelezo ya Kibinafsi

Unaweza kueleza jambo moja lililoimarisha imani yako katika Yehova?

Miezi sita kabla ya kunikamata, mama yangu alipatwa na kiharusi kilichomfanya apooze upande mmoja wa mwili wake na hivyo hakuweza kuzungumza. Kwa hiyo, nililazimika kurudi Kamchatka ili kumtunza. Nilipokamatwa na kuwekwa mahabusu niliwaza mama yangu atatunzwa na nani. Nilikuwa na wasiwasi mwingi sana na niliendelea kusali kuhusu jambo hilo. Baada ya siku kadhaa kupita, nilipata nafasi ya kuwasiliana na ndugu fulani wanaoishi katika eneo hilo. Walinihakikishia kwamba mama yangu alikuwa akitunzwa vizuri. Nikatambua kwamba ingawa mimi nilikuwa peke yangu na sina uwezo katika chumba hicho cha mahabusu, tayari Yehova alikuwa amewachochea ndugu na dada zangu kumsaidia mama yangu. Hilo limenihakikishia kwamba hata katika hali ninayopitia sasa, jambo muhimu zaidi ni kuendelea kumtumaini Yehova.

Sergey anaendelea kudhihirisha imani yake katika Yehova. Tunamwiga katika kukubaliana na maneno ya Zaburi 31:14: “Ninakutumaini wewe, Ee Yehova. Ninatangaza: ‘Wewe ni Mungu wangu.’”

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI