Januari 19, 2021, Mahakama ya Eneo la Kamchatka ilikataa ombi la rufaa la Ndugu Sergey Ledenyov. Kifungo chake cha awali cha miaka miwili sasa kitaanza kutumika. Hatahitaji kwenda gerezani wakati huu.

Kabla ya uamuzi wa rufaa kutolewa, Sergey alipewa nafasi ya kuzungumza mbele ya mahakama. Kwa ujasiri alitetea imani yake na kutangaza azimio lake la kumwabudu Yehova. Alisema hivi: “Imani yangu haitegemei sheria za shirika fulani, bali inategemea Biblia. Kwa mfano, ninaamini kwamba ‘kila nyumba hujengwa na mtu fulani, lakini yule aliyevijenga vitu vyote ni Mungu,’ ambaye ‘Yehova ndilo jina lake.’ (Waebrania 3:4; Kutoka 15:3) Hakuna hukumu ya [uhalifu] inayoweza kufuta maneno hayo kutoka kwenye Biblia au kutoka moyoni mwangu.”