MEI 17, 2024
URUSI

“Mimi Ni Sehemu ya Familia ya Yehova”

CHEZA

Mahakama ya Wilaya ya Vyselkovskiy iliyo katika Eneo la Krasnodar itatangaza uamuzi wake hivi karibuni katika kesi inayomhusu Ndugu Sergey Dvurechenskiy. Mwendesha mashtaka bado hajatoa ombi la hukumu anayopendekeza.

Maelezo Mafupi Kumhusu

Sergey Dvurechenskiy

Alizaliwa: 1975 (Vyselki)

Maisha Yake: anafanya kazi za ujenzi

Alialikwa ahudhurie mikutano ya kutaniko. Alivutiwa sana kuona jinsi mafundisho ya Biblia yanavyopatana na akili na jinsi Mashahidi wa Yehova wanavyotenda kupatana na mambo wanayohubiri. Alibatizwa mwaka wa 2001

Alifunga ndoa na Yelena mwaka wa 2009

Maelezo ya Kibinafsi

Umejifunza masomo gani muhimu kutokana na hali unayokabili?

Kadiri nilivyoendelea kukabiliana na mateso, Yehova alinisaidia kuelewa maneno ya Zaburi 18:35 inayosema: “Wewe hunipa ngao yako ya wokovu, mkono wako wa kuume hunitegemeza, na unyenyekevu wako hunifanya niwe mkuu.” Mstari huu hunikumbusha kwamba sikuzote Yehova atanipa msaada ninaohitaji, kupitia ndugu na dada zangu. Kila mara wanaponisaidia, ninajihisi kuwa mwenye thamani na ninachochewa kuwathamini sana na kuwajali ndugu na dada zangu. Tumeunganishwa kama viungo vya mwili mmoja. Ni shangwe kujua kwamba mimi ni sehemu ya familia ya waabudu wa Yehova.

Tunatiwa moyo sana na mfano wa uaminifu wa Sergey na wengine ambao wametambua kwamba Yehova ni “ngao kwa wote wanaomkimbilia.”—Zaburi 18:30.

Mfuatano wa Matukio

Februari 13, 2022

Wenye mamlaka walifanya msako kwenye nyumba 31, kutia ndani nyumba ya Sergey, iliyo karibu na mji wa Vyselki
Juni 15, 2023

Kesi ya uhalifu ilifunguliwa
Agosti 10, 2023

Aliwekewa vizuizi vya kusafiri
Februari 8, 2024

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI