MACHI 1, 2024
URUSI

Ndugu Aleksandr Chagan Amehukumiwa Kifungo cha Miaka Minane Gerezani

CHEZA

Februari 29, 2024, Mahakama ya Wilaya ya Tsentralniy Tolyatti katika Mkoa wa Samara ilimhukumu Ndugu Aleksandr Chagan kifungo cha miaka nane gerezani. Alichukuliwa kutoka katika chumba cha mahakama na kupelekwa gerezani.

Maelezo Mafupi Kumhusu

Aleksandr Chagan

Alizaliwa: 1971 (Ukrainia)

Maisha Yake: Alifanya kazi akiwa mtaalamu wa programu za kompyuta

Alijiuliza maswali kuhusu kusudi la uhai. Alipata majibu yenye kuridhisha baada ya kujifunza Biblia pamoja na Mashahidi wa Yehova. Alibatizwa mwaka wa 2001

Alifunga ndoa na Yekaterina mwaka wa 2008

Maelezo ya Kibinafsi a

Ni jaribu gani ambalo lilikuwa gumu zaidi kukabiliana nalo wakati wa kesi hii ya uhalifu?

Ilikuwa vigumu sana kusoma habari zote zilizoandikwa kuhusu kesi yangu, habari hizo zilikuwa na mambo mabaya na ya uwongo kunihusu mimi na watu wa Yehova. Mara nyingi nilimwomba Yehova anipe nguvu na tamaa ya kujitayarisha kwa ajili ya kesi yangu. Andiko la 2 Wafalme 13:18 limenisaidia sana. Elisha alimwambia Mfalme Yehoashi achukue baadhi ya mishale na kupiga ardhi. Lakini Yehoashi alipiga mishale mara tatu tu, kuonyesha kwamba alikuwa hakuwa ameazimia kupigana na maadui wa Israeli. Nilitambua kwamba nina sehemu ya kutimiza ili kuilinda kisheria habari njema. Siwezi kukata tamaa, na nimeazimia kufanya yote niwezayo ili kujitayarisha kabla ya kwenda mahakamani. Nina uhakika kwamba nitafanikiwa kwa msaada kutoka kwa Yehova na sala za kutoka moyoni za ndugu na dada zangu.

Tunaendelea kusali kwa Yehova kwamba ‘uso wake umuangazie’ Aleksandr na wote ambao wanaendelea kudumisha bidii kwa ajili ya jina lake.—Zaburi 119:135, 139.

Mfuatano wa Matukio

Machi 4, 2022

Nyumba ilifanyiwa msako
Septemba 14, 2022

Kesi ya uhalifu ilifunguliwa
Septemba 21, 2022

Nyumba ilifanyiwa msako kwa mara ya pili
Septemba 22, 2022

Alihojiwa na kuzuiliwa usiku kucha
Septemba 23, 2022

Aliachiliwa na kuwekewa vizuizi vya kusafiri
Agosti 23, 2023

Kesi ya uhalifu ilianza
Februari 29, 2024

Alihukumiwa kifungo cha miaka nane gerezani

a Maelezo ya Ndugu Chagan yalichukuliwa kabla ya hukumu kutolewa.

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI