AGOSTI 30, 2024
URUSI

Ndugu Aleksandr Salnikov Amehukumiwa Kifungo cha Nje cha Miaka Sita

CHEZA

Agosti 22, 2024, Mahakama ya Wilaya ya Ordzhonikidzevskiy iliyoko Magnitogorsk katika Eneo la Chelyabinsk ilimhukumu Ndugu Aleksandr Salnikov kifungo cha nje cha miaka sita. Hahitaji kwenda gerezani wakati huu.

Maelezo Mafupi Kumhusu

Aleksandr Salnikov

Alizaliwa: 1961 (Magnitogorsk)

Maisha Yake: Kabla ya kustaafu alifanya kazi akiwa msimamizi wa mafundi wa mashine za serikali

Alifunga ndoa na Nelly mwaka wa 1985. Wana mwana na binti mmoja

Aleksandr alikuwa na maswali mengi, kutia ndani maswali kuhusu ni nani anayedhibiti sheria za asili. Alifurahi kujifunza kumhusu Muumba. Aleksandr na Nelly walibatizwa na kuwa Mashahidi wa Yehova mwaka wa 2000

Maelezo ya Kibinafsi

Kuvumilia kumekuletea matokeo gani mazuri?

Mwanzoni mwa kesi yangu ya uhalifu, nililetewa hati zote zinazohusiana na kesi yangu. Nilishikwa na hofu na nikavunjika moyo. Wasiwasi mwingi unaweza kumletea mtu madhara ya kihisia, kimwili, na kiroho. Hiyo ni hali mbaya. Kisha ndugu mmoja akanikumbusha kwamba kukubali kuvunjika moyo kunamfurahisha Shetani. Hata hivyo, tukiazimia kudumisha ushikamanifu wetu tunamfurahisha Yehova. Nilitambua kwamba nilihitaji kujifunza kudhibiti hisia zangu vizuri zaidi. Yehova amenisaidia kufanya hivyo. Sasa sikazii fikira sana hali yangu badala yake ninakazia fikira azimio langu la kuendelea kuwa mwaminifu na mshikamanifu kwa Yehova. Ninajua kwamba atanitegemeza na kuniimarisha.

Tunafurahi sana kujua kwamba Mungu wetu mkarimu sikuzote atatusaidia kuboresha sifa tunazohitaji ili kuvumilia jaribu lolote.—Wagalatia 5:22, 23.

Mfuatano wa Matukio

Aprili 18, 2023

Kesi ya uhalifu inafunguliwa. Anashtakiwa kupanga mikutano kupitia video mtandaoni
Aprili 20, 2023

Nyumba kadhaa huko Magnitogorsk zinafanyiwa upekuzi, kutia ndani nyumba ya Aleksandr. Aleksandr anakamatwa na kuwekwa mahabusu
Aprili 22, 2023

Anaachiliwa kutoka mahabusu na kuwekewa vizuizi vya kusafiri
Mei 14, 2024

Kesi ya uhalifu inaanza
Agosti 22, 2024

Anahukumiwa kifungo cha nje cha miaka sita

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI