Februari 22, 2023, Ndugu Aleksandr Shcherbina aliachiliwa kutoka katika gereza lililo jijini Rostov-on-Don, nchini Urusi. Alikaa kizuizini kwa siku 79, kisha akakaa gerezani kwa siku 609. Kwa ujumla, amefungwa kwa karibu miaka miwili.

Muda mfupi kabla ya kesi yake kwisha, Aleksandr alieleza jinsi alivyotiwa moyo na mfano wa Mordekai aliyetajwa katika Biblia: “Ingawa Hamani alikuwa adui hatari, Mordekai hakumwogopa. Jambo ambalo lilikuwa muhimu zaidi kwa Mordekai ni kubaki mwaminifu kwa Yehova chini ya hali zozote alizokabili. Kutafakari mfano wa Mordekai kumenisaidia kuendelea kuwa na ujasiri.”

Tunajivunia kielelezo kizuri cha Aleksandr na tunashangilia kwamba ataungana tena na marafiki na watu wa familia na kuendelea “[kusimama] imara katika imani” kwa baraka za Yehova.​—1 Wakorintho 16:13.