NOVEMBA 9, 2022
URUSI

Ndugu Andrey Danielyan Ahukumiwa Miaka Sita Gerezani

CHEZA

Novemba 7, 2022, Mahakama ya Jiji la Rubtsovskiy iliyo katika Eneo la Altai ilimhukumu Ndugu Andrey Danielyan kifungo cha miaka sita gerezani. Alipelekwa gerezani moja kwa moja.

Mfuatano wa Matukio

Mei 25, 2021

Kwa miezi kadhaa, wenye mamlaka walisikiliza kisiri mazungumzo ya Andrey kwenye simu na pia walitumia njia nyingine za kuchunguza utendaji wake, kisha wakaanzisha kesi ya uhalifu dhidi yake
Mei 26, 2021

Nyumba yake ilifanyiwa msako. Andrey na mke wake walizuiliwa na kuhojiwa. Andrey aliwekewa vizuizi vya kusafiri
Julai 13, 2022

Alishtakiwa kwa madai ya kupanga utendaji wa shirika lenye msimamo mkali
Septemba 5, 2022

Kesi ya uhalifu ilianza
Novemba 7, 2022

Alihukumiwa kifungo cha miaka sita gerezani

Maelezo Mafupi Kumhusu

Andrey Danielyan

Alizaliwa: 1969 (Aleysk, Eneo la Altai)

Maisha Yake: Alifanya kazi ya usafi katika shule

Alifurahi sana alipojifunza kwamba Mungu ataondoa madhara ambayo mwanadamu amesababisha duniani. Alibatizwa na kuwa Shahidi wa Yehova mwaka wa 1992

Alifunga ndoa na Nina mwaka wa 1997

Maelezo ya Kibinafsi

Ni nini kinachokusaidia kudumisha utimilifu wako? a

Maisha ni magumu sasa, na huenda yakawa magumu zaidi siku zijazo. Ningependa kuvumilia, lakini kuwa tu na tamaa hiyo hakutoshi. Mwanariadha anayetaka kushinda katika shindano hujitayarisha na kufanya mazoezi kwa bidii kabla ya shindano kufika. Huu ndio muda wa kuhakikisha kwamba nina uhusiano wa karibu na Yehova ili nifaulu kudumisha utimilifu wangu chini ya jaribu katika siku zijazo. Kufikiria jambo hilo hunichochea kuendelea kumtegemea Yehova hata zaidi na kumwomba anipe ujasiri, subira, na nguvu. Mtume Paulo aliandika hivi kwenye 1 Timotheo 4:8: “Kwa maana mazoezi ya kimwili ni yenye faida kidogo, lakini ujitoaji-kimungu una faida katika mambo yote, kwa kuwa una ahadi ya uhai wa sasa na ule utakaokuja.”

Tunathamini sana mfano mzuri wa Andrey na ndugu na dada zetu ambao wameazimia kusitawisha ujitoaji-kimungu huku sote tukisubiria kwa hamu ‘ahadi ya uhai utakaokuja.’—1 Timotheo 4:8.

a Ndugu Danielyan alitoa maelezo haya kabla ya kuhukumiwa.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI