Oktoba 25, 2024, Ndugu Roman Mareyev aliachiliwa huru kutoka gerezani nchini Urusi. Julai 12, 2023, alishtakiwa na kuhukumiwa kifungo cha miaka minne na miezi sita gerezani. Roman alikuwa amekaa miaka miwili hivi gerezani kabla ya kuhukumiwa, hivyo, kifungo chake sasa kimekamilika.

Roman alipozungumza mbele ya mahakama wakati wa kesi yake ya uhalifu, alielezea kile kinachofanya awe na nguvu za kuvumilia: “Furaha ya kweli haitegemei hali ninazokabili au jinsi wengine wanavyonitendea. Nina furaha kwa sababu ninajua kwamba ninafanya jambo linalofaa na kwamba Mungu anapendezwa na matendo yangu na jitihada zangu za kuishi kulingana na viwango vyake. Kwa nini nina uhakika kwamba Mungu anapendezwa nami? Andiko la Waroma 15:13 linasema: ‘Mungu anayetoa tumaini na awajaze ninyi shangwe yote na amani kwa kumtegemea, ili tumaini lenu liongezeke kwa nguvu za roho takatifu.’ Moyo wangu umejaa shangwe na amani licha ya ukosefu wa haki ambao ninapitia. Hilo linawezekana tu kwa sababu ya roho ya Mungu na baraka zake.”

Tunafurahi kwamba Roman ameungana na familia yake tena, na tunapata faraja kwa sababu tunajua kwamba sikuzote Yehova huwathawabisha watumishi wake waaminifu.​—2 Mambo ya Nyakati 15:7.