SEPTEMBA 15, 2023
URUSI

Ndugu Sergey Gromov Ahukumiwa Miaka Sita na Mwezi Mmoja Gerezani Urusi

CHEZA

Septemba 14, 2023, Mahakama ya Wilaya ya Moskovskiy iliyoko Kazan ilimhukumu Ndugu Sergey Gromov kifungo cha miaka sita na mwezi mmoja gerezani. Amekuwa kizuizini tangu Machi 15, 2022, hivyo atabaki huko.

Maelezo Mafupi Kumhusu

Sergey Gromov

Alizaliwa: 1969 (Kazan, Jamhuri ya Tatarstan)

Maisha Yake: Alifanya kazi akiwa mchoraji wa kutumia kompyuta

Alifunga ndoa na Yelena mwaka wa 1990. Wana mwana na binti

Alilelewa akiamini kwamba hakuna Mungu na mara nyingi alijiuliza kuhusu chanzo cha uhai. Alianza kujifunza na Mashahidi wa Yehova. Alifurahi sana kuona jinsi Biblia inavyopatana na sayansi. Yeye na Yelena walibatizwa mwaka wa 1995

Maelezo ya Kibinafsi kutoka kwa Yelena, mke wa Sergey a

Wewe na Sergey mlijitayarishaje kwa ajili ya mateso?

Hali nchini Urusi ilipobadilika mwaka wa 2017, hatukuwa na wasiwasi. Badala yake, tulimtupia Yehova mzigo wetu. Sote katika familia tulizingatia shauri tulilopata na tukaazimia kwamba hatutajipiga marufuku kwa sababu ya woga. Tuliendelea na maisha yetu na utendaji wetu wa kiroho huku tukisali na kuwatia moyo ndugu na dada zetu.

Yehova amekusaidiaje kipindi hiki ambacho umetenganishwa na mume wako?

Sikuwahi kuzungumza na Yehova mara nyingi na waziwazi kama ambavyo nimefanya tangu Sergey alipokamatwa. Ninahisi kabisa kwamba Yehova yuko karibu sana nami. Naye hajaniacha nishughulikie hali hii peke yangu. Kuna pindi ambacho hata kabla sijamaliza kusali tayari ninahisi Yehova amenijibu kwa kuniambia neno lenye fadhili, kunikumbatia, au kunitegemeza kwa kumtumia mtu mwingine. Ni kana kwamba Yehova anawatumia kunibeba. Kujionea mambo hayo kumenisaidia nisikazie fikira matatizo yangu kupita kiasi. Badala yake, ninachochewa kufanya ninachoweza ili kuwasaidia wengine.

Tunathamini sana jinsi Sergey na Yelena wanaendelea kutuwekea mfano mzuri wa ushikamanifu na kumtegemea Yehova. Tunapojionea uaminifu wao na jinsi Yehova anavyowabariki, tunapata usadikisho wenye nguvu kwamba “mkono wa Yehova si mfupi usiweze kuokoa, wala sikio lake si zito lisiweze kusikia.”—Isaya 59:1.

Mfuatano wa Matukio

Machi 15, 2022

Kesi ya uhalifu ilifunguliwa. Alikamatwa akahojiwe na akapelekwa kizuizini
Machi 16, 2022

Nyumba ilifanyiwa upekuzi
Machi 17, 2022

Alihamishiwa mahabusu
Machi 30, 2023

Kesi ya uhalifu ilianza
Septemba 14, 2023

Alihukumiwa kifungo cha miaka sita na mwezi mmoja gerezani

a Ndugu Gromov alikuwa mahabusu makala hii ilipokuwa ikitayarishwa. Hatukuweza kupata maelezo yake ya kibinafsi.

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI