Julai 19, 2021, Mahakama ya Wilaya ya Leninskiy katika Eneo la Kirov iliwahukumu Ndugu Shamov, Ndugu Shchepin, na Ndugu Udintsev kisha ikawatoza faini. Ndugu Shamov alitozwa rubo 420,000 (dola 5,618 za Marekani); Ndugu Shchepin akatozwa rubo 500,000 (dola 6,688 za Marekani); na Ndugu Udintsev akatozwa rubo 200,000 (dola 2,675 za Marekani).

Aleksandr Shamov

• Alizaliwa:1960 (Komarovo,Eneo la Kirov)

• Maisha Yake:Alizaliwa katika familia ya watoto sita. Wazazi wake walikufa alipokuwa mdogo.Alifanya kazi kwenye shamba tangu alipokuwa na umri wa miaka sita. Alihitimu chuo cha ufundi na kufanya kazi ya kurekebisha televisheni. Alifunga ndoa na Nadezhda katika mwaka wa 1986.Wana binti ambaye ni mtu mzima. Kwa sasa anapokea malipo ya uzeeni baada ya kupatwa na mshtuko wa moyo na kufanyiwa upasuaji wa moyo. Yeye na Nadezhda walijifunza Biblia na Mashahidi wa Yehova katika miaka ya1990.Alibatizwa mwaka wa 2000

Andrey Shchepin

• Born:1991 (Korolev,Eneo la Moscow)

• Maisha Yake:Alijifunza kweli kutoka kwa wazazi wake. Alifunga ndoa na Ksenia mwaka wa 2015.Anafanyakazi akiwa injinia wa ujenzi.Alibatizwa mwaka wa2010

Yevgeniy Udintsev

• Alizaliwa:1949 (Kirov)

• Maisha Yake:Alikuwa na tatizo kubwa la moyo alipokuwa mtoto. Anafanya kazi akiwa injinia wa ujenzi na kutengeneza vitu vya chuma. Alifunga ndoa na Elizaveta mwaka wa 1970.Wote wawili walifundishwa kweli na dada ya Elizaveta katika mwaka wa 1991.Upendo wake kwa Yehova ulimsaidia kushinda uraibu wake wa kuvuta sigara na kutumia kileo vibaya. Alibatizwa mwaka wa 1996

Machi 26, 2019, maofisa wa Urusi walivamia nyumba 12 za Mashahidi katika eneo la Kirov. Kutokana na uvamizi huo na upelelezi wa muda mrefu, ofisi ya mwendesha-mashtaka iliwafungulia mashtaka Aleksandr, Andrey,na Yevgeniy. Andrey alizuiliwa kwa siku mbili. Mwendesha-mashtaka alisema kwamba matendo madogo ya ibada ni utendaji wenye “msimamo mkali.” Ule unaodaiwa kuwa uhalifu wa ndugu hao ulitia ndani kusoma Biblia na kuimba nyimbo za Ufalme.

Ndugu hao wanamtegemea kikamili Yehova, tengenezo lake, na Biblia ili kukabiliana na mateso hayo. Kwa mfano,Aleksandr amepata nguvu kutokana na mifano ya ‘wingu kubwa la mashahidi’ linalotajwa kwenye Waebrania sura ya 12. Anasema hivi: “Katika nyakati za kale, watumishi wa Mungu walitambua kwamba imani inadai matendo ya ujasiri na uvumilivu. Mambo yanapokuwa magumu sana kwangu, mimi hutafakari mifano yao.Walikabili jeuri na ukosefu mkubwa zaidi wa haki. Hilo hunisaidia ‘kufanya pigano kali kwa ajili ya imani.’”​—Yuda 3.

Andrey ametiwa moyo na masimulizi ya maisha ya Mashahidi waaminifu katika Ujerumani ya Wanazi na uliokuwa Muungano wa Sovieti. Anasema hivi: “Ninastaajabishwa na ujasiri wao.” Pia alipendezwa sana na jinsi Yehova alivyojibu sala zao na kuwathawabisha kwa sababu ya uaminifu wao.Hilo lilimchochea kutoa sala hususa kwa Yehova. Anasema hivi: “Nilisali Yehova anipe ujasiri, nikarudia tena—ujasiri, ujasiri, na tena ujasiri. . . . Tunatambua kwamba tunaishi katika nyakati za pekee. Hilo linatupatia nafasi za pekee za kuwatumikia wengine, mambo yaliyoonwa ya pekee, na nafasi ya pekee ya kuonyesha imani yetu katika Yehova.”

Tunasali kwa ajili ya ndugu zetu watatu na familia zao. Tunajua kwamba Yehova ataendelea kuwafariji na “kuwaimarisha katika kila tendo na neno jema.”​—2 Wathesalonike 2:17.