JUNI 27, 2023
URUSI

Ndugu Skvortsov na Ndugu Tibiy Wahukumiwa

CHEZA

Juni 20, 2023, Mahakama ya Jiji la Taganrog iliyo katika Eneo la Rostov ilimhukumu Ndugu Aleksandr Skvortsov na Ndugu Valeriy Tibiy. Aleksandr alipewa kifungo cha miaka saba gerezani. Amekuwa mahabusu tangu Desemba 7, 2021 kwa hiyo atabaki kizuizini. Valeriy alipewa kifungo cha nje cha miaka sita. Alikuwa kizuizini tangu Mei 18, 2022 hivyo aliachiliwa ili aanze kifungo cha nje.

Maelezo Mafupi Kuwahusu

Aleksandr Skvortsov

Alizaliwa: 1962 (Taganrog)

Maisha Yake: Alifanya kazi ya kuchomelea vyuma

Alifunga ndoa na Larisa mwaka wa 1983. Wana mabinti wawili

Larisa alianza kujifunza Biblia na Mashahidi wa Yehova kisha akabatizwa mwaka wa 1996. Aleksandr alifurahi kujifunza kuhusu tumaini linalopatikana katika Biblia la kuishi katika ulimwengu ulio na haki. Alibatizwa mwaka wa 1997

Hapo awali katika mwaka wa 2015 alihukumiwa kifungo cha nje cha miaka mitano na nusu

Maelezo ya Kibinafsi ya Larisa, a Mke wa Aleksandr

Ni nini kinachomsaidia mume wako kukabiliana na hali anazokumbana nazo gerezani?

Ndani ya mwaka mmoja Aleksandr amehamishwa kutoka jela moja hadi nyingine mara 13. Ingawa si rahisi nyakati zote kushughulika na watu anaokutana nao katika jela hizo, anajitahidi sana kuishi nao vizuri. Mara nyingi, anataja kwamba mambo kama kusali kwa Yehova, kusoma Biblia yake, na kusoma barua anazopokea yanamsaidia kubaki imara kiroho. Ingawa jambo linalomhuzunisha zaidi ni kuwa mbali na wapendwa wake lakini Yehova anampa amani ya moyoni.

Mambo unayopitia yameathirije uhusiano wako na Yehova?

Sasa, ninamtumaini Yehova kuliko wakati mwingine wowote. Ninaona jinsi anavyotutegemeza mimi na mume wangu na hilo linanisadikishia kwamba Yeye anatupenda. Ninatokwa na machozi ninapoona jinsi ndugu na dada zetu wanavyotusaidia na kusali kwa ajili yetu.

Valeriy Tibiy

Alizaliwa: 1977 (Novopokrovka, Crimea)

Maisha Yake: Alifanya kazi ya kuendesha malori

Alianza kujifunza Biblia na Mashahidi wa Yehova baada ya kujifunza jina la Mungu. Alibatizwa mwaka wa 2004

Alifunga ndoa na Kristina mwaka wa 2012

Maelezo ya Kibinafsi ya Kristina, b mke wa Valeriy

Valeriy anakabilianaje na mambo yasiyotazamiwa ambayo anakutana nayo akiwa kifungoni?

Valeriy anasali mara kwa mara ili kuomba roho ya utulivu na nguvu za kuvumilia kelele pamoja na kushiriki chumba kimoja na watu wengi. Wafungwa wenzake wametambua sifa hizo zenye kujitokeza. Huwa wanamuuliza: “Unawezaje kudumisha utulivu namna hiyo? Unaonekana kuwa mwenye kuridhika na mwenye shangwe kuliko mtu mwingine yeyote hapa!” Valeriy anafurahi kwamba amefanikiwa kuwa mazungumzo mengi mazuri na watu hawa kwa sababu Yehova anamsaidia kutumia kanuni za Biblia. Sasa, wafungwa hao hata wanamwomba ushauri. Anahisi Yehova anamlinda kwa sababu anatendewa kwa heshima.

Ni mstari gani wa Biblia uliokusaidia katika kipindi hiki kigumu?

Katika kipindi ambacho tumekuwa tukipitia mateso, andiko la Methali 3:6 limekuwa likinisaidia kumtegemea Yehova zaidi. Linasema: “Katika njia zako zote mtambue yeye, naye atavinyoosha vijia vyako.” Ni Yehova pekee mwenye hekima yote. Tatizo linalopotokea, nimejifunza umuhimu wa kuchukua Biblia na kuchunguza maoni ya Yehova kuhusu jambo hilo. Licha ya mambo yote yaliyotokea, Yehova hajawahi kuacha kunitunza.

Tunamshukuru Yehova kwa kututunza kwa upendo na kutupa mwongozo kwa kuwa mambo hayo yanatusaidia kuvumilia jaribu lolote linaloweza kutupata.—Zaburi 5:12.

Mfuatano wa Matukio

Machi 20, 2021

Nyumba ya Skvortsov ilifanyiwa msako
Desemba 7, 2021

Nyumba ya Skvortsov ilifanyiwa msako kwa mara ya pili, siku ambayo nyumba nyingine 29 za Mashahidi wa Yehova jijini Taganrog. Alishtakiwa kuwa mhalifu na kuwekwa kizuizini
Desemba 8, 2021

Aleksandr aliwekwa mahabusu
Machi 29, 2022

Kesi ya uhalifu dhidi ya Valeriy ilianza
Machi 31, 2022

Wapelelezi waliunganisha kesi ya Aleksandr na Valeriy
Mei 18, 2022

Valeriy alikamatwa na kuwekwa kizuizini
Mei 26, 2022

Valeriy alikamatwa na kuwekwa mahabusu
Dedemba 6, 2022654

Kesi ya uhalifu ilianza
Juni 20, 2023

Aleksandr alihukumiwa kifungo cha miaka saba gerezani. Valeriy alihukumiwa kifungo cha nje cha miaka sita

a b Makala hii ilipokuwa ikitayarishwa, Ndugu Skvortsov na Ndugu Tibiy walikuwa kizuizini hivyo hatukuweza kupata maelezo kutoka kwao.

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI