JANUARI 27, 2022
URUSI

Ndugu Wawili Wauona Mkono wa Yehova na Kuendelea Kuwa Jasiri

CHEZA

Mahakama ya Wilaya ya Kirsanovskiy katika Eneo la Tambov itatangaza uamuzi wake hivi karibuni katika kesi inayowahusu Ndugu Anton Kuzhelkov na Nikolay Prokhorov. Mwendesha-mashtaka bado hajatoa hukumu anayopendekeza.

Mfuatano wa Matukio

Desemba 21, 2020

Kesi ya uhalifu ilifunguliwa dhidi ya Anton na Nikolay kwa sababu ya kupanga utendaji wa shirika lenye msimamo mkali
Desemba 24, 2020

Wapelelezi walifanya upekuzi katika maeneo 19 kutia ndani nyumba ya Anton. Alipelekwa eneo lililo umbali wa kilomita 350 kutoka nyumbani kwake ili kuhojiwa. Nikolay alihojiwa kisha akaamriwa asiondoke katika eneo hilo
Desemba 25, 2020

Anton hakuruhusiwa kurudi nyumbani, alipelekwa mahabusu
Agosti 30, 2021

Anton alihamishwa na kuzuiliwa kwenye kituo kingine

Maelezo Mafupi Kuwahusu

Anton Kuzhelkov

Alizaliwa: 1993 (Sortavala, Jamhuri ya Karelia)

Maisha Yake: Alizaliwa kwanza katika familia ya wavulana watatu. Alipokuwa mtoto alipenda kuvua samaki na kuteleza kwenye barafu. Alijifunza kazi ya ujenzi kutoka kwa baba yake

Alibatizwa katika mwaka wa 2007. Alifunga ndoa na Alyona mwaka wa 2015

Maelezo ya Kibinafsi Kutoka kwa Alyona, Mke wa Anton a

Umekabili changamoto zipi ulipokuwa ukijaribu kumtembelea Anton?

Tuliruhusiwa kuonana kwa muda mfupi, kwa hiyo mara mbili kwa mwezi ningeenda kwa mpelelezi ili kupata ruhusa. Sikuzote kufanya hivyo kulinipa wasiwasi. Pia, ikiwa ningetaka kuingia kwenye eneo la mahabusu, nilihitaji kuwa na vipimo vinavyoonyesha sina ugonjwa wa COVID-19. Vipimo hivyo ni bei ghali sana.

Kwa sasa hakuna anayeruhusiwa kuingia humo, na hilo linakatisha tamaa. Kwa upande mwingine, kesi yake imeanza kusikilizwa, na sasa wameniruhusu kuingia mahakamani. Lakini kesi hiyo inasikilizwa katika jiji lililo kilomita 100 kutoka nyumbani.

Ni nini kinachomsaidia mume wako kuvumilia hali akiwa kizuizini?

Kutoa sala za kutoka moyoni na pindi fulani hata kutoa dua kwa machozi kunamsaidia kuvumilia. Anapokabili hali yoyote ile, anauona mkono wa Yehova ukimsaidia. . . . Pia, anafurahia uumbaji. Kwa mfano, mara nyingi anawatazama ndege anapoenda matembezi katika eneo la gereza. . . . Anatafakari hekima ya Muumba na pia kuhusu mfano wa Yesu wa shore. . . . Mambo hayo yanamsaidia kudumisha shangwe yake.

Nikolay Prokhorov

Alizaliwa: 1964 (Morshan, Eneo la Tambov)

Maisha Yake: Alitumikia jeshini. Anafurahia kuogelea na kusafiri

Alifunga ndoa na Yelena mwaka wa 2008. Wana mwana na binti. Alianza kujifunza Biblia baada ya kuvutiwa na mwenendo mzuri wa Mashahidi wa Yehova. Alibatizwa mwaka wa 2008

Maelezo ya Kibinafsi

Je, unaweza kusimulia wakati hususa ambapo ulihisi msaada wa Yehova?

Hata katika pindi ngumu zaidi, sikuzote Yehova ameandaa utegemezo wake wenye nguvu. . . . Nilijikuta nikiwa peke yangu na maofisa wa serikali ambao kusudi lao kuu lilikuwa kunilazimisha nishirikiane nao, au nikubali kwamba nilikuwa “nimetenda uhalifu.” . . . Kuna wakati ambapo nilianza kujiuliza ikiwa ningeweza kudumisha uaminifu licha ya woga niliohisi. Nilisali kwa Yehova na kumwomba nguvu na amani ya moyoni. Ofisa mmoja alipoona nimeinamisha kichwa changu nikisali, aliniuliza hivi, “Unasali kuhusu nini?” Nilimwambia, “Ninaomba kwamba nisianze kujihurumia.” Kisha nikakumbuka andiko la Isaya 54:17. Nikatambua kwamba hakuna kitu ambacho wangeweza kunifanya. Hilo lilinifanya niwe mwenye uhakika sana hivi kwamba hata maofisa hao wakatambua hilo. Hatimaye, waliacha kujaribu kunitisha. Hata waliniomba nisiwafungie kinyongo.

Waabudu wenzako wamekusaidiaje wewe na mke wako?

Kutaniko limefanya mambo mengi ili kuandaa msaada tunaohitaji. Wengi katika kutaniko waliwasiliana nasi, licha ya kwamba hilo lingefanya maofisa wa serikali waanze kuwakazia fikira. Pia, tulipigiwa siku kutoka sehemu zote nchini Urusi na hata kutoka nje ya nchi.

Kila mtu alitutegemeza wakati huo mgumu. Kesi yetu ilipokuwa ikisikilizwa mahakamani, walikuja ili kutuunga mkono . . . Wonyesho huo wa upendo wa kweli kutoka kwa undugu wetu wa Kikristo ulitoa ushahidi mzuri kwa wale waliohusika katika kesi hiyo. Utegemezo huo umemsaidia mke wangu kuendelea kuwa mwaminifu kwa Yehova [wakati wa kipindi hiki kigumu].

Tuna uhakika kwamba Yehova ataendelea kuwapa ujasiri na kuwategemeza ndugu na dada zetu wanaokabili mateso.—Methali 1:33.

a Ndugu Kuzhelkov kwa sasa yuko mahabusu. Haikuwezekana kuzungumza naye.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI