JULAI 15, 2024
URUSI
Ndugu Yevgeniy Sokolov Amehukumiwa Kuwa na Hatia Katika Kesi ya Pili ya Uhalifu
Mei 29, 2024, Mahakama ya Wilaya ya Zeyskiy katika Eneo la Amur ilimhukumu Ndugu Yevgeniy Sokolov kifungo cha nje cha miaka mitatu. Hahitaji kwenda gerezani wakati huu.
Hii ilikuwa kesi ya pili ya uhalifu iliyofunguliwa dhidi ya Yevgeniy. Kesi ya kwanza, ambayo inawahusu ndugu wengine tisa, bado inaendelea katika jiji la Voronezh, ambako sasa Yevgeniy anaishi.
Yevgeniy anasema hivi kuhusu kinachomsaidia kuvumilia: “Ninajifunza kumtumaini na kumtegemea Yehova kikamili zaidi. Hatuwezi kutatua tatizo lolote kwa njia nzuri zaidi kuliko Yehova anavyoweza. Sikuzote yeye ndiye mwenye ustadi na hekima zaidi.”
Kama Yevgeniy, sisi na tuendelee kumwambia Yehova hivi: “Wewe ni kimbilio langu,” tukiwa na uhakika kwamba sikuzote atatuandalia msaada tunaohitaji.—Zaburi 142:5.
Mfuatano wa Matukio
Desemba 15, 2022
Kesi ya pili ya uhalifu yafunguliwa dhidi ya Yevgeniy bila yeye kujua
Septemba 22, 2023
Yevgeniy apata habari kuhusu kesi ya pili ya uhalifu dhidi yake. Anahojiwa na kushtakiwa kwa kosa la “kutayarisha na kuongoza mikutano ya kidini”
Aprili 22, 2024
Kesi ya uhalifu yaanza kusikilizwa
Mei 29, 2024
Anahukumiwa kifungo cha nje cha miaka mitatu
Ona Pia
TAARIFA ZA HABARI
Wamefungwa kwa Sababu ya Imani Yao—Urusi
Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.