JANUARI 4, 2023
URUSI

Nimeazimia Kuwasaidia Wengine Licha ya Kuteswa

CHEZA

Mahakama ya Wilaya ya Kuznetskiy iliyo Novokuznetsk itatangaza hivi karibuni uamuzi wake katika kesi inayomhusu Dada Tatyana Sushilnikova. Mwendesha-mashtaka bado hajatoa ombi la hukumu anayopendekeza.

Maelezo Mafupi Kumhusu

Tatyana Sushilnikova

Alizaliwa: 1959 (Korkino, Eneo la Chelyabinsk)

Maisha Yake: Alikuwa mhandisi wa kutathmini usalama wa wafanyakazi, majengo, na mashine, pia alikuwa msimamizi wa ujenzi. Alifunga ndoa na Sergey mwaka wa 1979. Wana mabinti wawili wakubwa

Aliwafahamu Mashahidi wa Yehova kupitia mtu wa ukoo kisha yeye na mume wake wakaanza kujifunza Biblia. Walivutiwa na upendo ambao waliona miongoni mwa Mashahidi. Wote wawili walibatizwa mwaka wa 1996

Maelezo ya Kibinafsi

Umeimarishwaje na mifano ya wengine?

Kusoma makala kuhusu ndugu na dada zetu ambao wamekamatwa na kushtakiwa mahakamani kumenisaidia sana. Ripoti hizo zilinisaidia kujua ninachopaswa kutarajia kwa hiyo nilipokamatwa sikulemewa na woga au wasiwasi. Isitoshe, wale ambao wamefungwa gerezani wameweka mfano mzuri. Licha ya kwamba wao wenyewe wanakabili hali zenye kuvunja moyo, wanawaandikia barua ndugu na dada walio nje ili kuwatia moyo.

Mume wangu, Sergey, amenisaidia pia kuwa na mtazamo mzuri. Aliposhtakiwa mahakamani, hakupoteza ujasiri wake na aliazimia kuendelea kuwa mwaminifu. Na hakukubali wasiwasi wa jinsi mambo yatakavyokuwa wakati ujao umvunje moyo. Kwanza aliwafikiria ndugu zake na alijaribu kutafuta njia za kuwatia moyo na kuwaimarisha. Mimi pia nimeazimia kuwasaidia wale walio karibu nami kwa njia yoyote ile niwezayo. Ninapokazia fikira jambo hilo ninakuwa na mengi ya kufanya na silemewi na wasiwasi kuhusu matatizo yangu mwenyewe.

Kama Tatyana, tunaimarishwa na mfano mzuri wa ‘wingu kubwa la mashahidi’ ambao wanavumilia mateso kwa msaada wa Yehova.—Waebrania 12:1.

Mfuatano wa Matukio

Juni 8, 2021

Maofisa wa FSB waliobeba silaha walivamia nyumba tatu za Mashahidi wa Yehova huko Novokuznetsk. Tatyana na mume wake, Sergey, walihojiwa kwa saa tatu
Juni 20, 2022

Kesi ya uhalifu ilifunguliwa. Alishtakiwa kwa madai ya kuwa na mazungumzo ya kidini na kushiriki katika mikutano
Julai 22, 2022

Alishtakiwa rasmi
Septemba 27, 2022

Kesi ya uhalifu ilianza kusikilizwa. Hakimu alirudisha kesi hiyo kwa mwendesha-mashtaka kwa sababu wenye mamlaka hakuwafuata utaratibu waliopaswa kufuata
Novemba 16, 2022

Kesi ya uhalifu ilianza kusikilizwa upya

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI