JULAI 8, 2024
URUSI

‘Ninajionea Baraka Maishani Mwangu’

CHEZA

Mahakama ya Wilaya ya Vyselkovskiy iliyo katika Eneo la Krasnodar itatangaza uamuzi wake hivi karibuni katika kesi inayomhusu Ndugu Viktor Spirichev. Mwendesha mashtaka bado hajatoa ombi la hukumu anayopendekeza.

Maelezo Mafupi Kumhusu

Viktor Spirichev

Alizaliwa: 1980 (Samoded, Eneo la Arkhangelsk)

Maisha Yake: Anafanya kazi za ujenzi

Alianza kujifunza Biblia na Mashahidi wa Yehova baada ya kutumikia jeshini. Alivutiwa kuona kwamba maswali yake yote yalijibiwa kwa kutumia Biblia

Alibatizwa mwaka wa 2002

Alifunga ndoa na Larisa mwaka wa 2009

Maelezo ya Kibinafsi

Ni nini kilichokusaidia kudhibiti hisia zako na kubaki ukiwa mtulivu?

Mateso yalipoanza, nilikuwa na wasiwasi mwingi kwa sababu ya kile kilichokuwa kikitukia. Baada ya kuchunguza hisia zangu kwa kina nilitambua kwamba nilikuwa nategemea uelewaji wangu mwenyewe kupita kiasi. Badala ya kukubali kwamba Yehova aliruhusu jambo hilo litukie, niliendelea kutafuta njia za kukwepa hali hiyo. Nilijifunza jambo muhimu kutoka kwenye andiko la Mhubiri 7:16, linalosema: “Usiwe mwadilifu kupita kiasi wala kujifanya mwenye hekima kupita kiasi.” Ninamshukuru sana Yehova kwa kunisaidia kubadili mtazamo wangu na kuwa mnyenyekevu zaidi. Sasa, badala ya kukazia mambo yanayonihangaisha zaidi, mimi hukazia fikira jambo linalonichochea niendelee kumtumikia Yehova, ambalo ni upendo wangu kwake. Kufanya hivyo kumenisaidia kumkaribia Yehova hata zaidi na kumenisaidia kuvumilia na kuepuka kuwaka hasira. Na kwa kweli, ninajionea wazi zaidi baraka za Yehova maishani mwangu.

Tunafurahi kujua kwamba tunaweza kutumaini fadhili zisizostahiliwa za Yehova tunapoendelea ‘kutendeana kwa unyenyekevu.’—1 Petro 5:5.

Mfuatano wa Matukio

Februari 13, 2022

Wenye mamlaka walifanya msako kwenye nyumba 25 hivi za Mashahidi wa Yehova katika eneo la Vyselki na Berezanskaya, kutia ndani nyumba ya Viktor na Larisa
Mei 23, 2023

Kesi ya uhalifu ilifunguliwa. Alishtakiwa kwa kushiriki utendaji wa shirika lenye msimamo mkali. Akaunti zake za benki zilifungwa
Julai 11, 2023

Alihojiwa na wenye mamlaka
Julai 22, 2023

Alihojiwa kwa mara ya pili. Akawekewa vizuizi vya kusafiri
Januari 30, 2024

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI