OKTOBA 18, 2022
URUSI

“Ninajivunia Kuitwa kwa Jina la Yehova”

CHEZA

Oktoba 10, 2022, Mahakama ya Wilaya ya Kezhemskiy iliyo katika Eneo la Krasnoyarsk ilimhukumu Ndugu Ildar Urazbakhtin. Alihukumiwa kifungo cha nje cha miaka mitatu na hahitaji kwenda gerezani wakati huu.

Mfuatano wa Matukio

Julai 20, 2021

Nyumba tano hivi za Mashahidi wa Yehova zilifanyiwa msako katika jiji la Kodinsk, kutia ndani nyumba ya Ildar na familia yake. Alikamatwa na kupelekwa mahabusu
Julai 21, 2021

Aliachiliwa na kuwekwa katika kifungo cha nyumbani. Hakuruhusiwa kutumia simu au Intaneti
Septemba 20, 2021

Aliachiliwa kutoka katika kifungo cha nyumbani na akawekewa vizuizi vya kusafiri
Januari 13, 2022

Alishtakiwa kwa kufanya mikutano kupitia mtandao ambapo “aliwatia moyo ndugu na dada kusoma Biblia kwa kina na kusaidiana”
Machi 30, 2022

Kesi ya uhalifu ilianza

Maelezo Mafupi Kumhusu

Ildar Urazbakhtin

Alizaliwa: 1963 (Bratsk, Eneo la Irkutsk)

Maisha Yake: Alisomea uhandisi wa umeme. Anafanya kazi ya ukaguzi katika kiwanda cha nishati ya nyuklia

Alifunga ndoa na Gulnora mwaka wa 1987. Alimwomba Mungu amsaidie kujua kusudi la maisha. Alikutana na Mashahidi wa Yehova na akaanza kujifunza Biblia pamoja nao. Alibatizwa mwaka wa 1999. Gulnora alibatizwa mwaka wa 2006

Yeye na mke wake wana mwana mmoja, binti mmoja, na wajukuu watatu

Maelezo ya Kibinafsi

Yehova alikuimarisha jinsi gani ulipokuwa mahabusu?

Waliponiweka mahabusu sikujua la kufanya wala sikujua nitarajie nini. Lakini Yehova alinitegemeza kwa njia ya pekee. Mmoja wa walinzi alikuja kwenye dirisha la chumba changu gerezani na kuniuliza: “Naweza kukuletea chochote cha kusoma?” Nikamuuliza: “Una Biblia?” Kisha akaniletea Biblia, na kwa saa chache zilizofuata nilifurahia kusoma masimulizi ya Biblia ninayopenda sana. Baada ya hapo, mlinzi mwingine alitambua kwamba ninapenda mambo ya kiroho, hivyo akaanza kuniuliza maswali mbalimbali. Tulizungumza kwa saa kadhaa. Hilo ndilo jambo nililohitaji wakati huo.

Ni nini kinachokusaidia kuendelea kuwa jasiri?

Methali 28:1 inasema: “Waovu hukimbia ingawa hakuna yeyote anayewakimbiza, lakini waadilifu wana ujasiri kama simba.” Kwa sababu nina uhakika kwamba mimi si mhalifu, nina ujasiri wa kuwatazama wapinzani wangu bila woga. Sina jambo lolote la kuaibikia. Ninajivunia kuitwa kwa jina la Yehova! Mateso tunayokabili nchini Urusi yanatusaidia kuwa imara hata zaidi. Kupatana na Neno lake, Yehova anamaliza mazoezi yetu na kutufanya tuwe imara.—1 Petro 5:10.

Mambo ambayo Ildar pamoja na ndugu na dada wengine wanapitia nchini Urusi yanatukumbusha kwamba Mungu wetu Yehova, anatamani sana na yuko tayari kutusaidia katika “nyakati za taabu.”—Zaburi 46:1.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI