MEI 9, 2024
URUSI

“Ninakazia Fikira Wakati Ujao”

CHEZA

Mahakama ya Jiji la Lesosibirsk iliyo katika Eneo la Krasnoyarsk itatangaza uamuzi wake hivi karibuni katika kesi inayomhusu Ndugu Andrey Shiyan. Mwendesha mashtaka bado hajatoa ombi la hukumu anayopendekeza.

Maelezo Mafupi Kumhusu

Andrey Shiyan

Alizaliwa: 1969 (Lesosibirsk, Eneo la Krasnoyarsk)

Maisha Yake: Alifanya kazi akiwa mtaalamu wa forodha

Alifunga ndoa na Inna mwaka wa 1992. Wana binti mmoja

Inna, mama yake na ndugu yakae mdogo ndiyo walioanza kujifunza Biblia na Mashahidi wa Yehova. Andrey alikubali kuhudhuria mikutano na akavutiwa kuona jinsi mambo yanayozungumziwa katika Biblia yanavyopatana na akili

Inna alibatizwa mwaka wa 2001, na Andrey akabatizwa mwaka wa 2002

Maelezo ya Kibinafsi

Ni nini kinachokusaidia kudumisha amani ya akili?

Nimejionea kile ambacho andiko la Waroma 15:13 linasema: “Mungu anayetoa tumaini na awajaze ninyi shangwe yote na amani kwa kumtegemea, ili tumaini lenu liongezeke kwa nguvu za roho takatifu.” Kutafakari kuhusu tumaini langu kumenisaidia kukabiliana na hali hii. Kila ninapopatwa na wasiwasi mwingi au shaka, ninajiwazia nikiwa katika ulimwengu mpya. Ninapopiga picha mara nyingi akilini mwangu nikiwa katika ulimwengu mpya, ndivyo ambavyo hofu na wasiwasi wangu hupungua kwa sababu ya mambo yanayotokea. Kufanya hivyo kunanipa nguvu na kunisaidia kuepuka kukazia fikira zaidi matatizo yangu badala yake nikazie fikira kile ambacho mimi na sisi sote tunatazamia wakati ujao.

Kama Andrey, tunapata faraja na kuimarishwa na ahadi za Yehova tunaporuhusu ‘neno lake liwe tumaini letu.’—Zaburi 119:114.

Mfuatano wa Matukio

Novemba 25, 2021

Nyumba ilifanyiwa msako
Aprili 11, 2023

Nyumba ilifanyiwa msako kwa mara ya pili. Kesi ya uhalifu ilianzishwa. Akawekewa vizuizi vya kusafiri
Desemba 29, 2023

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI