DESEMBA 2, 2022
URUSI

“Sehemu Ninayofanya Ni Jambo Muhimu Sana”

CHEZA

Mahakama ya Wilaya ya Leninskiy iliyo Tambov itatangaza hivi karibuni uamuzi wake katika kesi inayomhusu Ndugu Oleg Sirotkin. Mwendesha-mashtaka bado hajatoa ombi la hukumu anayopendekeza.

Maelezo Mafupi Kumhusu

Oleg Sirotkin

Alizaliwa: 1964 (Yaroslavl, Eneo la Yaroslavl)

Maisha Yake: Anafanya kazi akiwa meneja wa mauzo katika kiwanda cha kemikali

Alifunga ndoa na Nataliya mwaka wa 2000. Alikutana na Mashahidi wa Yehova kwa mara ya kwanza mama yake alipoanza kujifunza Biblia. Alifurahi kupata majibu ya maswali yake kutoka kwenye Biblia. Alibatizwa pamoja na mke wake mwaka wa 2007

Wana mabinti wawili

Maelezo Mafupi Kumhusu

Ni nini kilichokusaidia kuwa mtulivu unapoendelea kukabiliana na majaribu?

Muda mfupi tu kabla ya kesi yangu kusikilizwa kwa mara ya kwanza mahakamani, ndugu mmoja alinipa vikumbusha vizuri. Alisema: “Kumbuka kwamba uamuzi ambao utatolewa mahakamani si wa muhimu, machoni pa Yehova wewe tayari ni mshindi. Unapoenda mahakamani kusudi si kusafisha jina lako bali ni kulitetea jina la Mungu na enzi yake kuu, hilo ni pendeleo. Utahisi kana kwamba Baba yako anakushika mkono na kuingia mahakamani pamoja na wewe. Atakuwa pamoja na wewe wakati wote.” Maneno hayo bado yananiimarisha hadi leo, yananipa ujasiri, na yananikumbusha kwamba sehemu ninayofanya ni muhimu sana.

Mfano wa Oleg ni kikumbusha kizuri cha kwamba mtu anapokuwa na imani yenye nguvu katika Yehova “hataogopa habari mbaya. Moyo wake ni imara, unamtumaini Yehova.”—Zaburi 112:7.

Mfuatano wa Matukio

Machi 2021

Alianza kufuatiliwa kisiri. Kifaa cha kunasa sauti kilifichwa sebuleni na pia walifuatilia mambo anayofanya katika kopmyuta yake
Septemba 14, 2021

Kesi ya uhalifu ilifunguliwa
Septemba 21, 2021

Nyumba ilifanyiwa msako. Kompyuta pamoja na rekodi nyingine za kibinafsi zilichukuliwa na kuwekwa kama ushahidi
Oktoba 22, 2021

Gari ilichukuliwa
Aprili 11, 2022

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI