JULAI 4, 2019
URUSI
Serikali ya Urusi Yaendelea Kuchukua Majengo ya Mashahidi wa Yehova Yenye Thamani ya Dola Zaidi ya Milioni 57 za Marekani
Tangu Aprili 20, 2017, Mahakama Kuu ya Urusi ilipopiga marukufu ibada ya Mashahidi wa Yehova nchini humo, ndugu na dada zetu wameendelea kuteswa na kufungwa gerezani. Serikali imeendelea kuchukua hatua kwa hatua majengo na viwanja 131 vilivyomilikiwa na Mashahidi wa Yehova, na majengo mengine 60 yanakabili hatari ya kuchukuliwa. Inakadiriwa kwamba kwa ujumla viwanja na majengo hayo yana thamani ya dola zaidi ya 57 milioni za Marekani.
Mojawapo ya majengo yaliyochukuliwa ni ofisi ya tawi ya Urusi huko Solnechnoye—ambayo yalikuwa yanamilikiwa na Watch Tower Bible and Tract Society of Pennsylvania. (Ona picha juu kushoto.) Majengo hayo peke yake yana thamani ya dola milioni 30 hivi za Marekani. Majengo mengeni 43 yaliyochukuliwa yanamilikiwa na mashirika ya kimataifa yaliyo Austria, Denmark, Finland, Uholanzi, Norway, Ureno, Hispania, Sweden, na Marekani. Kuchukuliwa kwa majengo hayo ni kinyume cha sheria, kwa sababu uamuzi wa Mahakama Kuu wa kuwapiga marufuku Mashahidi wa Yehova haukuipa serikali kibali cha kisheria cha kuchukua mali zinazomilikiwa na mashirika ya kimataifa.
Mashahidi wa Yehova wamepeleka mashtaka ya madai kwenye Mahakama ya Ulaya ya Haki za Kibinadamu (ECHR) kuhusu kuchukuliwa isivyo halali kwa iliyokuwa ofisi ya tawi nchini Urusi. Hata mahakama ya ECHR itoe uamuzi gani, tunamtegemea Yehova na tuna uhakika naye. Tunasali kwamba ndugu na dada zetu nchini Urusi waendelee kuwa jasiri wanapoazimia kutoruhusu kuvamiwa, kukamatwa, au kuchukuliwa kwa majengo ya ibada kufanye waache kumwabudu Yehova “kwa roho na kweli.”—Yohana 4:23.
Huenda Ukapenda Pia
TAARIFA ZA HABARI
Urusi Yataifisha Ofisi ya Tawi
Kabla ya kusikilizwa kwa rufaa hiyo, mwandishi wa habari, mtaalamu wa kidini, na mawakili wawili Mashahidi walifunua kwamba huo ni ukosefu wa haki wa nchi ya Urusi kutaifisha iliyokuwa ofisi ya tawi.
TAARIFA ZA HABARI
Mahakama Kuu ya Urusi Imehalalisha Hukumu Yake ya Awali ya Kuwapiga Marufuku Mashahidi wa Yehova
Mahakama Kuu ya Urusi imekataa rufaa ya Mashahidi na kuthibitisha uamuzi wake wa Aprili 20. Mashahidi wa Yehova nchini Urusi watakata rufaa ili wapate haki katika ECHR na Kamati ya Umoja wa Mataifa ya Haki za Kibinadamu.
TAARIFA ZA HABARI
Urusi Yashutumiwa Kimataifa kwa Kuwatendea Vibaya Mashahidi wa Yehova
TAARIFA ZA HABARI
Hukumu ya Dennis Christensen Kukatiwa Rufaa Kwenye Mahakama ya Ulaya ya Haki za Kibinadamu
Mnamo Mei 23, 2019, Mahakama ya Mkoa wa Oryol iliunga mkono uamuzi wa kumfunga Dennis Christensen. Ombi la kupinga kifungo cha uhalifu cha Ndugu Christensen litatumwa kwenye Mahakama ya Ulaya ya Haki za Kibinadamu.
TAARIFA ZA HABARI
Utekaji wa Majumba ya Ufalme ya Mashahidi wa Yehova Donetsk na Luhansk, Ukrainia
Vikosi vya wanaume wenye silaha vyateka Majumba ya Ufalme kwa kutumia nguvu na na kuyageuza kuwa kambi zao. Tarehe na maeneo ambayo vitendo hivyo vilitokea yameorodheshwa.