MACHI 21, 2024
URUSI

“Sikuzote Yehova Atatutunza”

CHEZA

Mahakama ya Tsentralniy iliyo katika Wilaya ya Prokopyevsk kwenye Eneo la Kemerovo itatangaza uamuzi wake katika kesi inayomhusu Dada Yelena Chernykh. Mwendesha mashtaka bado hajatoa ombi la hukumu anayopendekeza.

Maelezo Mafupi Kumhusu

Yelena Chernykh

Alizaliwa: 1976 (Prokopyevsk)

Maisha Yake: Alimkaribia Mungu zaidi baada ya kujifunza Biblia na Mashahidi wa Yehova. Alibatizwa mwaka wa 1998

Alifunga ndoa na Yuriy mwaka wa 2006. Septemba 2023, alihukumiwa kifungo cha miaka mitatu gerezani na kazi ngumu. Wana watoto watatu wa kiume

Maelezo ya Kibinafsi

Unajivunia nini kwa sababu ya kuendelea kuvumilia?

Ninafurahi kwamba nimefaulu kudumisha ratiba yangu ya kiroho kwa kusali, kusoma Biblia, na kuwasaidia wengine. Utendaji huo umenisaidia kukabiliana na kuvunjika moyo. Pia, ninathamini sana kujua kwamba Yehova anajibu sala zangu kwa ukawaida kwa kunipa nguvu na ujasiri ninaohitaji ili kutetea jina lake mahakamani. Na ningefanya nini bila msaada wa ndugu na dada zangu wapendwa ambao wanaisaidia familia yetu, wanasali kwa ajili yetu, na kutupatia msaada wa kimwili tunaohitaji? Sikuzote Yehova ametutunza. Ninapoendelea kukabiliana na jaribu hili, ninamshukuru sana Yehova kwa kuendelea kuwa pamoja nami na kunibeba mikononi mwake.

Tunafarijiwa kujua kwamba Yehova “habadiliki” bali ataendelea kutuandalia “kila zawadi njema na kila tuzo kamilifu” ili kutusaidia kuendelea kuvumilia hata majaribu magumu sana.—Yakobo 1:17.

Mfuatano wa Matukio

Julai 12, 2020

Nyumba ilifanyiwa msako. Yelena na Yuriy walihojiwa
Mei 25, 2023

Kesi ya uhalifu ilifunguliwa
Agosti 15, 2023

Waliwekewa vizuizi vya kusafiri
Oktoba 9, 2023

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI