DESEMBA 14, 2023
URUSI

“Siri Ni Kumtegemea Yehova”

CHEZA

Mahakama ya Wilaya ya Samarskiy iliyoko Samara itatangaza uamuzi wake katika kesi kuwahusu Ndugu Aram Danielyan, Denis Kuzyanin, Sergey Polosenko, na Nikolay Vasiliyev. Mwendesha mashtaka bado hajatoa ombi la hukumu anayopendekeza.

Maelezo Mafupi Kuwahusu

Aram Danielyan

Alizaliwa: 1990 (Armenia)

Maisha Yake: Familia yake ilihamia Urusi alipokuwa na umri wa miezi sita

Alifanya kazi za ujenzi na ununuzi

Alijifunza Biblia kutoka kwa shangazi yake na mama yake. Alipojionea sala zake zikijibiwa, upendo wake kwa Yehova uliongezeka. Alibatizwa na kuwa Shahidi wa Yehova mwaka wa 2011

Alifunga ndoa na Elina mwaka wa 2017. Wana mwana mmoja

Maelezo ya Kibinafsi

Ni nini kinachokusaidia usikate tamaa?

Kuna pindi ambazo ninahuzunishwa na hali zangu. Hilo linapotokea, ninafurahi ninapojikumbusha kwamba nilichagua kuwa mtumishi wa Yehova. Ikiwa ningeacha kumwabudu Yehova ili niepuke mateso, nisingekuwa na furaha maishani. Ninapata shangwe kujua kwamba ninasaidia kulitakasa na kulijulisha jina la Yehova. Nimeazimia kumthibitishia Shetani kwamba sitaacha kumtumikia Yehova iwe nitafungwa au hata ninapokabili kifo.

Nikolay Vasiliyev

Alizaliwa: 1984 (Aisha, Jamhuri ya Tatarstan)

Maisha Yake: Alifanya kazi ya kutayarisha programu za kompyuta

Hakuamini kwamba Mungu yuko. Lakini baada ya kujifunza Biblia, aliona upatano uliopo katika mafundisho yake naye akasadiki kwamba Mungu yuko. Alibatizwa mwaka wa 2005

Maelezo ya Kibinafsi

Ni nini kinachokusaidia kudumisha uhakika wako katika Yehova?

Kabla ya kupelekwa mahabusu, niliogopa sana kufungwa gerezani. Lakini sasa kwa kuwa ninafahamu jinsi hali ilivyo mahabusu na jinsi Yehova alivyonitegemeza, woga umetoweka. Ingawa bado ni vigumu kuishi bila kujua kesi hii ya uhalifu itaendelea kwa muda gani na ni uamuzi gani utakaofikiwa, ninajua kwamba sikuzote Yehova yuko pamoja nami. Ili kuwa na amani ya akili na uhakika kwamba mambo yatakuwa shwari, siri ni kumtegemea Yehova.

Tunasadiki kwamba Yehova ataendelea kufariji mioyo ya wote wanaoteseka kwa ajili ya imani yao anapoendelea “kuwaimarisha katika kila tendo na neno jema.”—2 Wathesalonike 2:16, 17.

Mfuatano wa Matukio

Desemba 14, 2021

Kesi ya uhalifu ilifunguliwa dhidi ya Denis, Nikolay, na Sergey
Desemba 15, 2021

Nyumba za Denis, Nikolay, na Sergey zilifanyiwa upekuzi. Walikamatwa na kupelekwa kizuizini
Desemba 16, 2021

Denis, Nikolay, na Sergey walihamishiwa mahabusu
Januari 6, 2022

Kesi ya uhalifu ilifunguliwa dhidi ya Aram. Alikamatwa kwenye uwanja wa ndege
Januari 7, 2022

Aram alipelekwa mahabusu
Desemba 12-14, 2022

Ndugu wote wanne walifunguliwa kutoka mahabusu na kuwekewa vizuizi vya kusafiri
Juni 16, 2023

Kesi ya uhalifu inaanza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI