FEBRUARI 16, 2022
URUSI

Subira Inamsaidia Ndugu Ivan Shulyuk Kuvumilia Mateso

CHEZA

Mahakama ya Jiji la Nazarovskiy katika Eneo la Krasnoyarsk hivi karibuni itatangaza katika kesi inayomhusu Ndugu Ivan Shulyuk. Mwendesha-mashtaka bado hajatuma ombi la hukumu anayopendekeza.

Mfuatano wa Matukio

Juni 18, 2020

Maofisa wa usalama walivamia nyumba ya akina Shulyuk na kumkamata Ivan. Aliwekwa kizuizini
Juni 19, 2020

Mahakama iliagiza Ivan ahamishiwe mahabusu
Julai 9, 2020

Aliachiliwa kutoka mahabusu. Hakuruhusiwa kuwasiliana na mtu yeyote nje ya nyumba yake bila idhini. Aliagizwa asiondoke nje ya nyumba yake kati ya saa 12:00 alfajiri na saa 5:00 usiku, hilo lilimzuia asifanye kazi
Agosti 14, 2020

Mpelelezi alijaribu kuongeza vizuizi lakini kwa sababu ya sifa nzuri ya Ivan, ombi lake lilikataliwa. Vizuizi vingi viliondolewa
Agosti 17, 2020

Aliwekewa vizuizi vya kusafiri
Septemba 15, 2021

Kesi ya uhalifu ilianza

Maelezo Mafupi Kumhusu

Ivan Shulyuk

Alizaliwa: 1976 (Nazarovo)

Maisha Yake: Alikuwa yatima alipokuwa na umri wa miaka 14. Ana ndugu wawili wenye umri mkubwa. Babu yake alifia gerezani kwa sababu ya imani yake. Nyanya (bibi) yake alipelekwa uhamishoni Siberia

Alikuwa fundi-bomba. Anapenda kwenda matembezi, kukusanya uyoga, na kuvua samaki

Alibatizwa na kuwa Shahidi wa Yehova mwaka wa 1994. Alifunga ndoa na Yuliya mwaka wa 2002

Maelezo ya Kibinafsi

Umefauluje kuvumilia hali hii kwa subira?

Mwanzoni nilikuwa na wasiwasi kwa ajili ya mke wangu na ndugu na dada wengine ambao nyumba zao zilifanyiwa upekuzi. Nilijiuliza ni nini ambacho kingetokea. Kuna siku kadhaa nilipokuwa mahabusu ambazo nilijiuliza ikiwa ninaota ndoto.

Hata hivyo, nimejifunza kukazia fikira mambo yanayofaa. Kuna jambo moja linalofanana kuhusu majaribu yote: Hatimaye yote hufikia mwisho.

Ni simulizi gani la Biblia ambalo limekupa nguvu?

Ninathamini maneno ya Elisha kwenye 2 Wafalme 6:16. Hasa nilipokuwa kizuizini, nilihisi ni kana kwamba nilikuwa peke yangu na kila kitu kilikusudiwa kufanya maisha yangu yawe magumu zaidi. Mstari huo ulinikumbusha kwamba “wale walio pamoja [nami] ni wengi kuliko wale walio pamoja nao,” hilo lilikuwa wazo lenye kuimarisha sana.

Tunashukuru sana kwamba “Yehova anajua jinsi ya kuwakomboa kutoka kwenye jaribu watu wenye ujitoaji-kimungu.”—2 Petro 2:9.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI