MEI 14, 2024
URUSI

“Utii Huleta Baraka”

CHEZA

Mahakama ya Jiji la Lesosibirsk iliyo katika Eneo la Krasnoyarsk itatangaza uamuzi wake hivi karibuni katika kesi inayomhusu Dada Anna Matveyeva. Mwendesha mashtaka bado hajatoa ombi la hukumu anayopendekeza.

Maelezo Mafupi Kumhusu

Anna Matveyeva

Alizaliwa: 1977 (Selenduma, Jamhuri ya Buryatia)

Maisha Yake: Anafundisha lugha ya Kirusi na somo la fasihi

Alifunga ndoa mwaka wa 1998. Yeye na mume wake wana mwana mmoja na binti mmoja

Alijifunza Biblia na Mashahidi wa Yehova kwa miaka kadhaa. Baada ya kujifunza jinsi dhabihu ya fidia ya Yesu inavyofanya iwezekane kuishi milele, aliamua kujiweka wakfu kwa Yehova. Alibatizwa mwaka wa 2013

Maelezo ya Kibinafsi

Ni somo gani muhimu ulilojifunza kutokana na hali hii?

Utii huleta baraka. Mara kwa mara, nimepokea shauri kuhusu kuepuka vitu vya kimwili, na kutanguliza kwanza mambo ya kiroho, kusoma Biblia kila siku, kusali, na kuimarisha tumaini langu katika Yehova. Sijui ikiwa ningeweza kuvumilia hali ninazo kabiliana nazo kwa sasa ikiwa ningeamua kupuuza vikumbusho hivyo na kutenda kupatana navyo. Kufuata mwongozo huo, juma baada ya juma, na mwaka baada ya mwaka, ndiko kumenisaidia kuwa jasiri katika nyakati hizi ngumu.

Tunashukuru kwamba ikiwa tutasikiliza vikumbusho vya Yehova kama Anna alivyofanya, sikuzote tutakuwa na shangwe.—Zaburi 119:111, 112.

Mfuatano wa Matukio

Novemba 25, 2021

Baada ya wenye mamlaka kurekodi kisiri mazungumzo ya ndugu yetu, nyumba sita za Mashahidi wa Yehova zilizo Lesosibirsk, zilifanyiwa msako kutia ndani nyumba ya Anna
Januari 30, 2023

Kesi ya uhalifu ilifunguliwa
Februari 17, 2023

Aliwekewa vizuizi vya kusafiri
Desemba 29, 2023

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI