Julai 12, 2024, Ndugu Vasiliy Meleshko aliachiliwa kutoka gerezani. Mwaka wa 2021 alihukumiwa kifungo cha miaka mitatu gerezani.

Katika miaka hiyo mitatu gerezani, Vasiliy alihamishiwa magereza saba tofauti. Pindi moja, Zoya, mke wa Vasiliy, hakufahamishwa mahali ambapo Vasiliy alipelekwa kwa karibu mwezi mzima. Jambo hilo lilimfanya Zoya awe na wasiwasi mwingi kwa sababu Vasiliy ana matatizo mbalimbali ya afya.

Zoya anaeleza ni nini kilichomsaidia yeye na Vasiliy wavumilie kipindi hicho walipokuwa wametenganishwa: “Tulitambua kwamba Shetani angefurahi sana ikiwa tungeruhusu hali hii iharibu ndoa yetu na kutudhoofisha kiroho.” Zoya anaendelea kusema hivi: “Tukiwa na hilo akilini, mimi na Vasiliy tulifanya yote tuliyoweza kuhakikisha uhusiano kati yetu ni imara. Tulihakikisha pia uhusiano wetu na Yehova ni imara. Vasiliy aliniandikia barua zilizonihakikishia kwamba ananipenda, naye hakukosa nafasi ya kuniimarisha kiroho.”

Tunafurahi sana kujua kwamba Vasiliy na Zoya wako pamoja tena, na pia pamoja na watu wa familia na marafiki. Tunapoendelea kusali kwa ajili ya ndugu na dada zetu ambao wamefungwa kwa ajili ya imani yao, tuna uhakika kwamba Yehova atatutegemeza katika majaribu yetu yote.​—Zaburi 55:22.