MEI 24, 2022
URUSI

Wako Imara Licha ya Kuhukumiwa Huko Sochi

CHEZA

Machi 28, 2022, Mahakama ya Wilaya ya Khostinskiy iliyo Sochi ilitangaza uamuzi wake katika kesi inayowahusu Ndugu Vladimir Deshko, Ndugu Yuriy Loginskiy, Ndugu Yuriy Moskalev, na Dada Tatyana Velizhanina. Ndugu Deshko alihukumiwa kifungo cha mwaka mmoja na miezi minne gerezani naye Dada Velizhanina alihukumiwa kifungo cha mwaka mmoja na miezi mitano gerezani. Wote wawili tayari wametumikia vifungo vyao kwa sababu walikaa mahabusu kwa zaidi ya mwaka mmoja, hivyo hawahitaji kwenda gerezani kwa sasa. Ndugu Loginskiy na Ndugu Moskalev walihukumiwa kifungo cha nyumbani cha miaka miwili kila mmoja. Hawahitaji kwenda gerezani kwa sasa.

Mfuatano wa Matukio

Machi 24, 2021

Wote wanne walikamatwa na kuwekwa kizuizini kwa muda. Walishtakiwa kwamba walishiriki katika utendaji wa shirika lenye msimamo mkali
Machi 26, 2021

Ndugu Deshko na Dada Velizhanina walipelekwa mahabusu iliyo umbali wa kilometa 400. Ndugu Loginskiy na Ndugu Moskalev waliwekwa katika kifungo cha nyumbani
Februari 3, 2022

Ndugu Deshko aliachiliwa kutoka mahabusu na akawekwa katika kifungo cha nyumbani
Machi 3, 2022

Kesi ya uhalifu ilianza
Machi 4, 2022

Dada Velizhanina aliachiliwa kutoka mahabusu na akawekwa katika kifungo cha nyumbani

Maelezo Mafupi Kuwahusu

Yuriy Loginskiy

Alizaliwa: 1966 (Sochi, Eneo la Krasnodar)

Maisha Yake: Anafanya kazi ya ujenzi hasa kuweka vigae. Alifunga ndoa na Svetlana, mwaka wa 1987. Wana mwana mmoja

Yeye na mke wake walibatizwa mwaka wa 1996

Maelezo ya Kibinafsi

Uliwekewa vizuizi gani ulipokuwa kwenye kifungo cha nyumbani?

Niliruhusiwa kutembea kwa saa mbili tu kila siku, kuanzia saa nne asubuhi hadi saa sita mchana. Kwa sababu hiyo, singeweza kwenda kazini. Pia nilizuiwa kutuma au kupokea barua na telegramu na hata kutumia njia nyingine za mawasiliano, kutia ndani Intaneti.

Yehova ameitunzaje familia yako?

Yehova hanitunzi mimi tu, bali pia anamtunza mke wangu mpendwa na mwanangu. . . . Yehova anaelewa kwamba kila mshiriki wa familia anajitahidi sana kumtegemeza mwenzake. Basi familia inayomtegemea Yehova inaweza kushinda changamoto yoyote ile.

Yuriy Moskalev

Alizaliwa: 1964 (Yeginsu, Kazakhstan)

Maisha Yake: Alitumikia jeshini kisha akafanya kazi kwenye idara ya polisi ya Sochi kabla ya kuwa Shahidi wa Yehova. Alifiwa na wazazi wake na kaka zake wawili. Alifunga ndoa na Nadezhda, mwaka wa 1987. Wana binti mmoja

Baada ya kulinganisha mafundisho ya Biblia na mafundisho ya kanisa la Othodoksi, alianza kujifunza Biblia na Mashahidi wa Yehova. Alibatizwa mwaka wa 2005. Mke wake alibatizwa mwaka mmoja baadaye

Maelezo ya Kibinafsi

Umejifunza nini kwa kuvumilia majaribu hayo?

Maisha huendelea na ninahitaji kuishi katika njia inayompendeza Yehova. Nimeazimia kubaki mwaminifu kwa Yehova na ninajua kwamba atanithawabisha wakati ujao. Sihitaji kukazia fikira mambo mabaya ambayo huenda yakatokea. Ninahitaji tu kukumbuka kwamba Yehova yuko upande wangu. . . . Hata mambo mabaya yakitokea, ninajua kwamba Yehova ana uwezo wa kudhibiti kila kitu. Nina uhakika hata hali iweje, Yehova hataniacha kamwe.

Tunajua kwamba Yehova ataendelea kuimarisha na kuwategemeza watumishi wake waaminifu, na kuwapa kila kitu wanachohitaji ili kuvumilia siku hizi ngumu za mwisho.—Zaburi 89:21.

a b Hatukuweza kupata maelezo kutoka kwake.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI