MEI 22, 2023
URUSI

“Woga Hauepukiki Lakini Ujasiri Ni Uchaguzi”

CHEZA

Machi 24, 2023, Mahakama ya Wilaya ya Zheleznodorozhny iliyoko Krasnoyarsk ilitangaza uamuzi katika kesi inayomhusu Dada Nataliya Voropaeva. Alipigwa faini ya rubo 360,000 (dola 4,730 za Marekani).

Maelezo Mafupi Kumhusu

Nataliya Voropaeva

Alizaliwa: 1971 (Krasnoyarsk)

Maisha Yake: Anafanya kazi ya ususi

Alijiuliza kwa nini watu wanateseka sana ulimwenguni ikiwa kuna Mungu. Mashahidi wa Yehova walimwonyesha majibu ya maswali yake katika Biblia. Alibatizwa mwaka wa 1996

Maelezo ya Kibinafsi

Ndugu na dada wamekutegemezaje?

Katika maneno yake ya mwisho mahakamani, Ndugu Feliks Makhammadiyev alisema hivi: “Kunyima maisha yako urafiki ni sawa na kuunyima ulimwengu mwangaza wa jua.” Ninakubaliana kabisa na maneno hayo. Rafiki zangu wamekuwa kwangu chanzo cha nuru na uchangamfu. Wakati wa upelelezi nilianguka na kuvunjika mguu. Nilifungwa plasta mguuni kwa miezi miwili baada ya kufanyiwa upasuaji. Ndugu na dada zangu walinisaidia kwa kunisafirisha, kunifanyia manunuzi, kuandaa chakula, na kufanya kila kitu walichoweza ili kunitegemeza kihisia na kifedha. Na zaidi ya ndugu na dada 100 walifika ili kuniunga mkono hukumu yangu ilipotangazwa. Ninamshukuru sana Yehova kwa kuwa marafiki wangu ni baraka kwangu. Utegemezo wao unanikumbusha kwamba hakuna kinachoweza kumzuia Yehova kunionyesha kwamba ananipenda.

Kisa hiki kimekufundisha somo gani?

Nimetambua kwamba woga hauepukiki lakini ujasiri ni uchaguzi. Hiyo ni kwa sababu ujasiri wangu unaongezeka ninapotambua nina kibali cha Yehova. Na ninapoendelea kuimarisha uhusiano wangu na Yehova na kusoma Neno lake kila siku, ninauona mkono wake waziwazi maishani mwangu. Hilo linanisadikisha kwamba Yehova hatakosa kuwa pamoja nami.

Kama Nataliya, sisi pia tumeazimia kuwa “hodari na kusema: ‘Yehova ni msaidizi wangu; sitaogopa.’”—Waebrania 13:6.

Mfuatano wa Matukio

Novemba 2017–Novemba 2020

Aliwekwa chini ya ulinzi na nyumba yake ilifanyiwa upekuzi. Alihojiwa kama sehemu ya uchunguzi dhidi ya Ndugu Andrey Stupnikov
Septemba 5, 2022

Kesi ya uhalifu inaanzishwa
Septemba 6, 2022

Anawekewa vizuizi vya kusafiri
Oktoba 20, 2022

Anashtakiwa kwa uhalifu
Februari 27, 2023

Kesi ya uhalifu inaanza
Machi 24, 2023

Anapigwa faini ya rubo 360,000 (dola 4,730 za Marekani)

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI