JANUARI 1, 2024
URUSI

‘Yehova Ameshikamana Nami’

CHEZA

Mahakama ya Jiji la Kurgan iliyo katika Eneo la Kurgan itatangaza hivi karibuni uamuzi wake katika kesi inayomhusu Ndugu Anatoliy Isakov. Mwendesha-mashtaka bado hajatoa ombi la hukumu anayopendekeza.

Maelezo Mafupi Kumhusu

Anatoliy Isakov

Alizaliwa: 1964 (Kurgan)

Maisha Yake: Alifanya kazi katika kiwanda kinachotengeneza magari

Alifunga ndoa na Tatyana mwaka wa 1988. Wenzi hao walipata watoto wawili, mmoja wa kiume na mwingine wa kike. Mwana wao alikufa

Baada ya kujifunza Biblia na Mashahidi wa Yehova alisadiki kwamba kuna Muumba. Alibatizwa mwaka wa 1993

Amegunduliwa kuwa na kansa ya damu. Pia, anakabiliana na tatizo la kuvunjika-vunjika kwa mifupa ya uti wake wa mgongo na mbavu

Maelezo ya Kibinafsi

Je, imani yako imedhoofika kwa sababu ya kesi hii ya uhalifu au matatizo ya kiafya unayokabili?

Nimeona ukweli wa maneno ya Yakobo 1:2, 3: “Oneni yote kuwa shangwe, ndugu zangu, mnapopata majaribu mbalimbali, mkijua kwamba sifa iliyojaribiwa ya imani yenu hutokeza uvumilivu.” Hayo “majaribu mbalimbali” ninayokabiliana nayo yamejaribu imani yangu. Lakini matokeo yamekuwa mazuri. Nimejenga imani yangu na pia uhusiano wangu na Yehova. Ninamshukuru sana Yehova kwa kunionyesha upendo mwingi na kushikamana nami.

Tunatiwa moyo na mfano wa Anatoliy kwa sababu yeye ni mtu thabiti na ameonyesha imani licha ya changamoto anazokabili. Nasi tunafarijika kujua kwamba katika changamoto zote tunazokabili, Yehova atakuwa ‘mwamba wa mioyo’ yetu.—Zaburi 73:26.

Mfuatano wa Matukio

Julai 13, 2021

Kesi ya uhalifu ilifunguliwa
Julai 14, 2021

Nyumba yake ilifanyiwa msako. Aliwekwa kizuizini
Julai 15, 2021

Alihamishiwa mahabusu
Julai 21, 2021

Rufaa ilikatwa katika Idara ya Afya ya Eneo la Kurgan kuomba Anatoliy aachiliwe ili aweze kuendelea na matibabu ya kemikali
Agosti 28, 2021

Aliachiliwa kutoka mahabusu baada ya Mahakama ya Ulaya ya Haki za Kibinadamu kutuma ombi. Amewekewa vizuizi vya kusafiri
Julai 6, 2023

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI