NOVEMBA 25, 2021
URUSI

Yehova Amfariji Ndugu Yevgeniy Korotun

CHEZA

Mfuatano wa Matukio

Mahakama ya Jiji la Severskiy iliyo katika Eneo la Tomsk itatangaza hivi karibuni hukumu yake katika kesi ya Ndugu Yevgeniy Korotun. a Mwendesha-mashtaka bado hajatoa ombi la hukumu anayopendekeza
Machi 31, 2021

Kesi ilianza
Septemba 7, 2020

Aliwekwa kizuizini na kisha akahamishiwa mahabusu baada ya kupelekwa mahakamani
Julai 15, 2020

Aliwekwa kwenye kifungo cha nyumbani
Julai 14, 2020

Maofisa wa FSB walifanya msako katika nyumba za familia nne za Mashahidi wa Yehova huko Seversk, kutia ndani nyumba ya familia ya Korotun
Julai 13, 2020

Kesi ya uhalifu dhidi ya Yevgeniy ilifunguliwa
2018-2019

Wapelelezi wawili walijifanya kupendezwa na mazungumzo ya Biblia na wakarekodi kisiri mazungumzo yao ili wayatumie kama ushahidi dhidi ya Yevgeniy

Maelezo Mafupi Kumhusu

Yevgeniy Korotun

Alizaliwa: 1970 (Seversk)

Maisha Yake: Alijifunza sanaa. Anafanya kazi ya useremala, ya kuremba kuta za nyumba, na ni fundi bomba. Anafurahia kupiga picha na anapenda kusoma

Baada ya kufanya utafiti katika Biblia kwa karibu miaka kumi, alipata usadikisho kwamba ni Neno la Mungu. Alibatizwa 2008. Yevgeniy alimweleza mke wake, Yevgeniya, kuhusu kweli za Biblia, naye pia akawa mmoja wa Mashahidi wa Yehova. Wana mwana mwenye umri wa miaka kumi, anayeitwa Aleksandr

Maelezo ya Kibinafsi Kutoka kwa mke wa Yevgeniy, yaani, Yevgeniya b

Ni changamoto gani hususa unazokabili katika kipindi hiki ambacho mume wako yuko mahabusu?

Kitengo cha Huduma za Uchunguzi wa Kifedha cha Kitaifa kilisitisha matumizi ya kadi zetu za benki. Nimekutana na maofisi mbalimbali wa serikali ili kujaribu kutatua suala hilo. Hata hivyo, Yehova amewatumia ndugu na dada kututegemeza kwa mahitaji yetu ya msingi.

Nini kinachokusaidia kudumisha furaha yako ili usilemewe na wasiwasi?

Ratiba yangu nzuri ya kiroho imenisaidia . . . Kwa kuwa Yevgeniy hayupo nasi ili kutoa sala kwa ajili yangu na familia yetu, nimekuwa na mazungumzo mengi pamoja na Yehova. Nimepata mambo mapya ya kuzungumza naye. Pia, nimeanza kusoma zaidi kuhusu mateso, ujasiri, uvumilivu, ushikamanifu, suala la enzi kuu, na faida ya kuwa na mtazamo unaofaa. Ninapokuwa siwezi kusoma ninatazama video za jw broadcasting. Nyimbo zetu pia zinatia moyo sana.

Mwana wenu, Aleksandr anahisije wakati huu?

Wakati mwingine analia na kusema anamkosa baba yake . . . Lakini hana huzuni muda wote. Kwa ujumla, ana mtazamo unaofaa na ni mchangamfu. . . . Amesema kwamba angependa kubatizwa. Hili linanifurahisha sana.

Tuna uhakika kwamba Yehova anategemeza familia ya Korotun na wote wanaomtumikia kwa uaminifu licha ya hali ngumu.—Waroma 15:5.

a Tarehe ya hukumu haitolewi mapema pindi zote.

b Kwa sababu Ndugu Korotun yuko mahabusu kwa sasa, haikuwezekana kuzungumza naye ili kujua maoni yake.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI