NOVEMBA 27, 2023
URUSI

“Yehova Atanisaidia Kushughulikia Hali Ngumu”

CHEZA

Mahakama ya Wilaya ya Dzerzhinskiy iliyoko Yaroslavl itatangaza hivi karibuni uamuzi wake katika kesi inayomhusu Ndugu Anton Kokovin. Mwendesha-mashtaka bado hajatoa ombi la hukumu anayopendekeza.

Maelezo Mafupi Kumhusu

Anton Kokovin

Alizaliwa: 1990 (Yaroslavl, Eneo la Yaroslavl)

Maisha Yake: Anafanya kazi akiwa mtaalamu wa mawasiliano

Mama yake alimfundisha kanuni za Biblia tangu alipokuwa mtoto. Alipokuwa tineja alianza kufikiria kwa uzito kuhusu uhai. Alibatizwa na kuwa Shahidi wa Yehova mwaka wa 2009

Maelezo ya Kibinafsi

Ni nini kinachokusaidia kudumisha uhakika wako?

Yesu alitabiri kwamba wafuasi wake wangeteswa. Kwa hiyo, Yehova anajua kinachotendeka na jinsi ya kunisaidia. Mwongozo ninaopata kupitia Neno lake na tengenezo lake ndio hasa ninaohitaji kila wakati ili kudumisha uaminifu. Pia mimi hufikiria kilichoandikwa katika Zaburi 30:11: “Umebadili maombolezo yangu kuwa dansi; umenivua nguo zangu za magunia, nawe unanivisha shangwe.” Kuna mambo mengi kuhusu hali yangu ambayo bado hayajulikani. Lakini nina uhakika kwamba mstari huo utatimia katika kisa changu. Ninajua kwamba Yehova atashughulikia mambo kwa njia bora iwezekanavyo.

Sisi pia tuna uhakika kwamba Yehova atabariki sana imani na uvumilivu wa wale wote wanaoendelea kuunga mkono enzi yake kuu.—Waebrania 11:6.

Mfuatano wa Matukio

Mei 18, 2022

Kesi ya uhalifu yafunguliwa
Mei 19, 2022

Nyumba ilifanyiwa upekuzi. Akahojiwa
Juni 6, 2022

Ashtakiwa rasmi kwa kushiriki utendaji wa shirika lenye msimamo mkali na kuwekewa vizuizi vya kusafiri
Mei 29, 2023

Kesi ya uhalifu yaanza kusikilizwa

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI