SEPTEMBA 12, 2023
URUSI

“Yehova Hutupa Msaada Sikuzote!”

CHEZA

Agosti 18, 2023, Mahakama ya Jiji la Solikamsk iliyo katika Eneo la Perm iliwahukumu Ndugu Vladimir Poltoradnev, Ndugu Aleksandr Sobyanin, na Ndugu Vladimir Timoshkin. Walitozwa faini ya rubo 638,000 (dola 6,787 za Marekani), rubo 494,000 (dola 5,255 za Marekani), na rubo 512,000 (dola 5,447 za Marekani) mtawalia. Hawahitaji kwenda gerezani wakati huu.

Maelezo Mafupi Kuwahusu

Vladimir Poltoradnev

Alizaliwa: 1962 (Krasnoshekovo, Eneo la Orenburg)

Maisha Yake: Alifanya kazi ya kurekebisha na kudumisha mashine za kushona

Hamu yake ya kujifunza Biblia iliongezeka baada ya kuchunguza jinsi unabii ulivyotimizwa. Alibatizwa na kuwa Shahidi wa Yehova mwaka wa 2001

Maelezo ya Kibinafsi

Ni simulizi gani la Biblia ambalo limeimarisha imani yako katika Yehova?

Kusoma na kutafakari simulizi lililo kwenye 1 Samweli sura ya 17 kunanisaidia sana. Daudi alikuwa na ujasiri wa kupigana na Goliathi kwa sababu alikumbuka jinsi Yehova alivyompa nguvu za kukabiliana na hali mbalimbali hapo awali. Katika mstari wa 37, alisema: “Yehova, aliyeniokoa kutoka katika makucha ya simba na ya dubu, ndiye atakayeniokoa kutoka mikononi mwa Mfilisti huyo.” Mwanzoni, mpelelezi aliponiambia kwamba wanaweza kunifunga hata miaka kumi gerezani, niliingiwa na woga. Kisha, nikaanza kufikiria jinsi Yehova alivyokuwa amenisaidia katika hali mbalimbali maishani mwangu. Kukumbuka mambo hayo kuliimarisha imani yangu katika Yehova. Mungu amenisaidia kuhimili mambo yote ambayo ameruhusu yanipate. Ninajua Yeye hashindwi kamwe.

Aleksandr Sobyanin

Alizaliwa: 1973 (Krasnovishersk, Eneo la Perm)

Maisha Yake: Anafanya kazi ya kufua vyuma. Alipokuwa kijana alijiuliza kwa nini wanadamu wanakufa. Alifurahi alipojifunza kuhusu tumaini la uzima wa milele katika Biblia. Alibatizwa mwaka wa 1992

Alifunga ndoa na Mariya mwaka wa 2020

Maelezo ya Kibinafsi

Ni nini kimekusaidia kuendelea kumtumaini Yehova?

Ninapokuwa na mahangaiko, ninajikumbusha maneno ambayo Yehova alimwambia Yakobo kwenye Mwanzo 31:12: “Nimeona mambo yote ambayo Labani anakutendea.” Yehova alimwonyesha Yakobo waziwazi kwamba alikuwa anaona mambo ambayo yanatendeka, na angekuwa pamoja naye na kumlinda. Ninaamini Yehova anafanya vivyo hivyo kwa ajili yangu. Ninapoishiwa na nguvu, yeye hunipatia nguvu ninazohitaji ili kuendelea kuvumilia. Kila ninapokabili jaribu ninajifunza somo hili: Yehova hutupa msaada sikuzote!

Tuna uhakika kwamba wote wanaomtumaini Yehova watanufaika na upendo wake mshikamanifu.—Zaburi 13:5, 6.

Mfululizo wa Matukio

Julai 28, 2020

Nyumba zilifanyiwa msako. Ndugu hao watatu waliwekwa kizuizini
Julai 29, 2020

Vladimir Timoshkin alitolewa kizuizini na kuwekwa kwenye kifungo cha nyumbani
Julai 30, 2020

Aleksandr alitolewa kizuizini na kuwekewa vizuizi vya kusafiri
Julai 31, 2020

Vladimir Poltoradnev alitolewa kizuizini na kuwekwa kwenye kifungo cha nyumbani
Septemba 24, 2020

Vladimir Poltoradnev alitolewa kwenye kifungo cha nyumbani na kuwekewa vizuizi vya kusafiri
Oktoba 26, 2020

Vladimir Timoshkin alitolewa kwenye kifungo cha nyumbani na kuwekewa vizuizi vya kusafiri
Mei 16, 2023

Kesi ya uhalifu ilianza

a Hatukuweza kupata maelezo ya Ndugu Vladimir Timoshkin.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI