AGOSTI 8, 2024
URUSI

‘Yehova Ni Kimbilio Langu na Mlinzi Wangu’

CHEZA

Mahakama ya Wilaya ya Vyselkovskiy katika Eneo la Krasnodar itatangaza hivi karibuni uamuzi wake katika kesi inayomhusu Dada Lyudmila Zinina. Bado mwendesha-mashtaka hajatoa ombi la hukumu anayopendekeza.

Maelezo Mafupi Kumhusu

Lyudmila Zinina

Alizaliwa: 1951 (Berezanskaya, Eneo la Krasnodar)

Maisha Yake: Alifanya kazi akiwa muuguzi

Alifunga ndoa na Pyotr mwaka wa 1973. Wana binti wawili. Mwana wao alikufa mwaka wa 2012. Binti yao mdogo anayeitwa Irina, amefunguliwa kesi tofauti

Lyudmila alifurahi sana aliposoma jina la Mungu katika Biblia kwa mara ya kwanza. Alibatizwa na kuwa Shahidi wa Yehova mwaka wa 1999.

Maelezo ya Kibinafsi

Ni mstari gani katika Biblia ambao ulikusaidia usife moyo?

Mbali tu na kwamba nimefunguliwa kesi, nina matatizo kadhaa makubwa ya afya. Kutafakari maneno ya Kumbukumbu la Torati 30:20 kunanisaidia kudumisha usawaziko. Katika mstari huo Musa aliwakumbusha Waisraeli kwamba walihitaji kumpenda Yehova, kusikiliza sauti yake, na kushikamana naye, “kwa maana yeye ni uzima wenu na kwa uwezo wake mtaishi kwa muda mrefu.” Maneno hayo yamenisaidia sana. Nina uhakika kwamba nikiendelea kuwa mshikamanifu kwa Yehova, hataniruhusu niteseke kuliko ninavyoweza kuvumilia. Hasa kwa kuwa tayari afya yangu si nzuri, ninajua ninaweza kumtegemea Yehova kuwa Kimbilio langu salama na Mlinzi wangu.

Kama Lyudmila, sisi pia na tusitawishe imani yenye nguvu katika Mungu wetu, Yehova, ambaye hawaachi kamwe wale wanaomtumaini.—Kumbukumbu la Torati 31:6.

Mfuatano wa Wakati

Februari 13, 2022

Nyumba ambayo Lyudmila, mume wake, na binti yao Irina wanaishi ilifanyiwa upekuzi
Mei 23, 2023

Kesi ya uhalifu ilifunguliwa. Alishtakiwa kwa kushiriki katika utendaji wa shirika lenye msimamo mkali na kuzungumza kuhusu imani yake
Juni 9, 2023

Jina lake liliongezwa kwenye orodha ya watu wenye msimamo mkali nchini Urusi
Julai 11, 2023

Aliwekewa vizuizi vya kusafiri
Februari 8, 2024

Kesi ya uhalifu ilianza kusikilizwa

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI