JULAI 7, 2022
URUSI

Yevgeniy Zinich Anaendelea Kuwa Mshikamanifu Kwa Yehova

CHEZA

Juni 27, 2022, Mahakama ya Wilaya ya Oktyabrskiy iliyo Krasnoyarsk ilimhukumu Ndugu Yevgeniy Zinich kifungo cha miaka sita gerezani. Alipelekwa gerezani mara tu baada ya hukumu hiyo.

Mfuatano wa Matukio

Desemba 11, 2020

Msako ulifanywa nyumbani kwa Yevgeniy
Januari 21, 2021

Kesi ya uhalifu ilifunguliwa
Oktoba 19, 2021

Yevgeniy alishtakiwa kwa madai kwamba alipanga utendaji wa shirika lenye msimamo mkali
Oktoba 20, 2021

Aliwekewa vizuizi vya kusafiri
Desemba 14, 2021

Kesi ya uhalifu ilianza

Maelezo Mafupi Kumhusu

Yevgeniy Zinich

Alizaliwa: 1966 (Nazarovo, Eneo la Krasnoyarsk)

Maisha Yake: Wazazi wake na babu na nyanya yake waliteswa kwa sababu ya imani yao wakati wa utawala wa Sovieti

Alibatizwa na kuwa Shahidi wa Yehova mwaka wa 1982. Alifunga ndoa na Mariya mwaka wa 1988, na wana binti mmoja. Mariya alikufa kabla ya hukumu ya kesi hiyo kutolewa

Maelezo ya Kibinafsi

Wazazi wako, babu na nyanya yako, na pia wa mke wako, wote waliteswa kwa sababu ya imani yao. Mfano wao mzuri umekusaidiaje?

Wakati huo Mashahidi wa Yehova waliteswa sana. Mtazamo wao kuelekea mateso hayo ulinifundisha mengi. Hawakuwahi kuwa na hasira au chuki kwa sababu ya mateso hayo. Kila mmoja alielewa kwamba kwa kuwa walikuwa Wakristo wa kweli, basi wangeteswa. Ninapofikiria mfano mzuri wa wazazi wangu, ninajua kwamba imani yao ilitegemea uelewaji wenye kina wa Neno la Mungu na uhusiano wa kibinafsi pamoja naye. Jambo ninalokumbuka waziwazi tangu nikiwa mdogo, ni kumuona baba yangu akisali kwa unyenyekevu huku amepiga magoti.

Ilikuwa hivyo pia kwa wazazi wa mke wangu Mariya. Kweli ya Neno la Mungu haikuwa tu sehemu ya maisha yao, bali ilikuwa maisha yao. Walimsaidia kuwa na imani yenye nguvu, kusoma na kujifunza Biblia kwa ukawaida, na kuwajali ndugu na dada zake kutanikoni. Hata Mariya alipokaribia kufa, licha ya ugonjwa na hata matibabu aliyokuwa akipata, bado aliendelea kuhangaikia hali ya kiroho ya wengine na kuwaimarisha. Hata alinikumbusha kuhusu ndugu na dada waliohitaji kutiwa moyo.

Ni nini kinachokusaidia kukabiliana na hali hizi ngumu?

Tamaa yangu ya kuendelea kumtumikia Yehova pamoja na ndugu na dada zangu inanisaidia kuendelea kuvumilia. Niliwasaidia ndugu wengi ambao walikuwa gerezani kadiri nilivyoweza. Nilifurahi sana kwamba Yehova alinitumia kufanya kitu fulani kwa ajili yao, na hilo lilinisaidia kuhisi kwamba ninahitajika. Hilo pia, lilinisaidia kujifunza jinsi Yehova anavyomtegemeza kila mmoja wetu.

Kujionea fadhili na ukarimu ambao ndugu na dada wamenionyesha, kumenihakikishia kwamba Yehova ananipenda na nina kibali chake. Matendo hayo ya fadhili yameendelea kuwa muhimu sana kwangu, hasa katika miezi ya karibuni, kwa sababu nimekuwa na huzuni nyingi tangu nilipofiwa na Mariya, mke wangu.

Tuna uhakika kwamba Yehova ataendelea kumpenda na kumfariji Yevgeniy anapojitahidi kuiga mfano mzuri wa familia yake wa ujasiri na uvumilivu katika vipindi vigumu.—Zaburi 86:17.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI