JULAI 27, 2017
URUSI
Urusi Inataka Kuitangaza Biblia kuwa na “Msimamo Mkali”
TAARIFA: Mahakama ya Jiji la Vyborg imeahirisha kesi hadi Agosti 9, 2017.
Julai 28, 2017, Mahakama ya Jiji la Vyborg itaendelea kusikiliza kesi kuhusu kutangazwa kwa Biblia Takatifu Tafsiri ya Ulimwengu mpya iliyochapishwa na Mashahidi wa Yehova katika Kirusi kuwa na “msimamo mkali.” Kesi hiyo ilikuwa imeahirishwa tangu Aprili 2016 baada ya hakimu kutoa hukumu iliyounga mkono madai ya Mwendesha Mashtaka wa Usafirishaji wa Leningrad-Finlyandskiy ya kuagiza ufanyike “uchunguzi wa kitaalamu” ili kutangaza Tafsiri ya Ulimwengu Mpya kuwa na “msimamo mkali.”
Baada ya kucheleweshwa, hatimaye uchunguzi ulikamilika na ukawasilishwa mahakamani Juni 22, 2017. Kama Mashahidi walivyotarajia, uchunguzi huo uliunga mkono madai ya kutangazwa Biblia hiyo kuwa ni chapisho lenye “msimamo mkali.” Uchunguzi huo ulidai kwamba Tafsiri ya Ulimwengu Mpya “si Biblia.” Walitangaza kwamba hiyo si Biblia ili kuepuka kwa ujanja kubanwa na Sheria ya Kupambana na Utendaji Wenye Msimamo Mkali ambayo inazuia kutangaza maandishi matakatifu kama vile Biblia, kuwa na msimamo mkali. Isitoshe, matokeo ya “uchunguzi wa kitaalamu” yalitegemea masuala ya kidini. Jambo kuu walilopinga ni kurejelewa kwa Tetragramatoni a kuwa “Yehova” na wakadai kwa uwongo kwamba maandishi yalibadilishwa ili yafaane na mafundisho ya Mashahidi.
a Tetragramatoni ni herufi nne za jina la Mungu katika Kiebrania (יהוה), zinazotafsiriwa YHWH na zinapatikana katika Maandiko ya Kiebrania karibu mara 7,000 hivi.
Huenda Ukapenda Pia
TAARIFA ZA HABARI
Urusi Yaitangaza Biblia Kuwa na “Msimamo Mkali”
Mahakama ya Jiji la Vyborg iliitangaza Biblia Takatifu—Tafsiri ya Ulimwengu Mpya ya lugha ya Kirusi kuwa na ‘msimamo mkali,’ Biblia hiyo inachapishwa na Mashahidi wa Yehova katika lugha nyingi.
TAARIFA ZA HABARI
Mahakama Kuu Imeamua Utendaji wa Mashahidi wa Yehova Ni Kosa la Jinai Nchini Urusi
Mahakama Kuu iliunga mkono madai ya kupigwa marufuku kwa Kituo cha Usimamizi pamoja na Mashirika 395 ya Kidini yaliyopo nchini humo.
TAARIFA ZA HABARI
Wataalamu Wapinga Tishio la Urusi la Kupiga Marufuku Biblia Takatifu—Tafsiri ya Ulimwengu Mpya
Hii ni sehemu ya 2 ya mfuatano wa mahojiano ya pekee yaliyo na sehemu tatu pamoja na wasomi maarufu wa mambo ya dini, siasa, na soshiolojia na pia wataalamu wanaofahamu ule uliokuwa Muungano wa Sovieti na hali baada ya kuvunjika kwa Muungano wa Sovieti.