Agosti 5, 2015, Mahakama Kuu ya Shirikisho la Urusi itasikiliza rufaa kuhusu Shirika la Dini la Mashahidi wa Yehova jijini Abinsk. Mapema mwaka huu, maofisa wa jiji la Abinsk walitumia mbinu zilezile zilizotumiwa Taganrog na Samara

kuzuia utendaji wa shirika la dini la Mashahidi wa Yehova.

Kutaniko la Mashahidi wa Yehova jijini Abinsk lina washiriki 100 hivi, baadhi yao wana umri mkubwa. Shirika la dini la Mashahidi wa Yehova la Abinsk lilisajiliwa rasmi Novemba 1999 na ndilo shirika lenye haki ya kumiliki Jumba la Ufalme ambamo Mashahidi wa hapo hukutana kwa ajili ya ibada.

Desemba 2012 na pia Oktoba 2013, wenye mamlaka waliwashtaki Mashahidi wawili wa Yehova jijini Abinsk kwa madai ya kukiuka agizo la serikali la kutosambaza machapisho yaliyotangazwa kwamba yanachochea msimamo mkali wa dini. Mashahidi hao wawili ni walikuwa wakishirikiana na kutaniko la Abinsk, lakini hakuwa washiriki wa Ofisi ya Mashahidi wa Yehova ya Abinsk. Mwendesha mashtaka alipuuza jambo hilo na alitumia madai yasiyothibitishwa kama msingi wa kuzuia utendaji wa Shirika la Dini la Mashahidi wa Yehova.

Kwa kutegemea uthibitisho huo usio wa kweli, katika Machi 4, 2015, Mahakama ya Eneo la Krasnodar iliamua “kutangaza kwamba Shirika la Dini la Mashahidi wa Yehova jijini Abinsk . . . lina msimamo mkali wa dini na kwamba utendaji wake umezuiwa na limeondolewa katika orodha ya Mashirika ya Kisheria yaliyosajiliwa nchini.” Pia, Mahakama hiyo iliamua kwamba umiliki wa Jumba la Ufalme la Abinsk uwe chini ya Serikali. Ikiwa Mahakama Kuu itaunga mkono uamuzi huo, Mashahidi wa Abinsk hawataweza kumiliki nyumba zao za ibada.

Kwa kutumia isivyofaa Sheria ya Kudhibiti Vikundi Vyenye Msimamo Mkali ya Urusi, wenye mamlaka jijini Abinsk walitumia mbinu ileile ya maofisa wa majiji ya Taganrog na Samara ya kuzuia utendaji wa mashirika ya kisheria. Kama ilivyokuwa katika Abinsk, mashtaka yaliyotolewa katika majiji hayo pia yalikuwa ya uwongo. Mashahidi wa Yehova katika Taganrog na Samara wanajitahidi kujitetea mahakamani dhidi ya mashtaka hayo ya uwongo. Wamepeleka malalamiko yao kwenye Mahakama ya Ulaya ya Haki za Binadamu kupinga ukandamizaji huo dhidi ya uhuru wao wa ibada.

Mashahidi wa Yehova waliopo jijini Abinsk wataendelea na shughuli zao za kidini kama wanavyofanya waamini wenzao duniani kote. Hata hivyo, Mashahidi wa Yehova wanatumaini kwamba Mahakama Kuu ya Shirikisho la Urusi itatambua ukosefu wa haki uliofanywa na mahakama za chini na kuwaruhusu Mashahidi jijini Abinsk waendelee kufanya mikutano kwa amani katika jengo lao la ibada.