APRILI 7, 2017
URUSI
Siku ya Tatu ya Kesi Katika Mahakama Kuu ya Urusi, Mashahidi wa Yehova Watoa Ushahidi
NEW YORK—Siku ya tatu ya kusikilizwa kwa kesi mbele ya Mahakama Kuu ya Urusi imekwisha, na Mahakama imetangaza mapumziko hadi Jumatano, Aprili 12, 2017, saa 4:00 asubuhi. Leo, Mahakama ilisikiliza ushahidi kutoka kwa Mashahidi wanne wa Yehova, ambao walitoa ushahidi dhidi ya dai la Wizara ya Haki la kufunga Kituo cha Usimamizi cha Mashahidi wa Yehova na kupiga marufuku utendaji wao.
Hakimu aliuliza Wizara ya Haki maswali kadhaa, akiwaomba watoe ushahidi unaounga mkono mashtaka yao kwamba Mashahidi wa Yehova wana msimamo mkali na kwamba wanasambaza machapisho yenye msimamo mkali. Wizara ya Haki haikuweza kufanya hivyo. Vasiliy Kalin, mshiriki wa halmashauri inayosimamia Kituo cha Usimamizi cha Mashahidi wa Yehova nchini Urusi, alisema hivi alipokuwa mbele ya Mahakama: “Ningependa kuikumbusha Wizara ya Haki kwamba ombi lao la kuwapiga marufuku Mashahidi wa Yehova litawaumiza watu ambao wanawatakia ninyi maisha yenye amani na furaha.”
Wanahabari Wanaweza Kuwasiliana na:
David A. Semonian, Ofisi ya Habari za Umma, +1-845-524-3000
Urusi: Yaroslav Sivulskiy, +7-911-087-8009
Huenda Ukapenda Pia
TAARIFA ZA HABARI
Mahakama Kuu ya Urusi Yaanza Kesi Kubwa Dhidi ya Mashahidi wa Yehova
Kesi itaendelea Alhamisi, Aprili 6, 2017.
TAARIFA ZA HABARI
Vasiliy Kalin: Taarifa Kuhusu Tisho la Kuwapiga Marufuku Mashahidi wa Yehova Nchini Urusi
Vasiliy Kalin, akiwakilisha Kituo cha Usimamizi cha Mashahidi wa Yehova nchini Urusi, anawasihi wenye mamlaka serikalini wakomeshe mateso yasiyo ya haki dhidi ya Mashahidi.
TAARIFA ZA HABARI
Wataalamu Wazungumzia Tisho la Kuwapiga Marufuku Mashahidi wa Yehova Nchini Urusi
Wataalamu wa haki za kibinadamu wanazungumzia jinsi ambavyo kupigwa marufuku kwa Mashahidi wa Yehova kutaathiri sifa ya kimataifa ya Urusi na uhuru wa kidini wa raia wake wote.
TAARIFA ZA HABARI
Wenye Mamlaka Nchini Urusi Wapanga Kufunga Makao Makuu ya Mashahidi wa Yehova
Barua rasmi ya onyo iliyotolewa na wenye mamlaka nchini Urusi ni ishara ya uwezekano wa kupiga marufuku ibada inayofanywa kwa amani na Mashahidi nchini Urusi.