APRILI 17, 2018
URUSI
Mahakama Itasikiliza Rufaa Inayopinga Serikali ya Urusi Kuchukua Ofisi ya Taifa ya Mashahidi
Mei 3, 2018, Mahakama ya Jiji la St Petersburg itasikiliza rufaa ya Mashahidi wa Yehova kupinga hukumu ya awali ya mahakama iliyodai kwamba ofisi yao ya zamani ya taifa nchini Urusi itaifishwe. Ikiwa Mashahidi hawatashinda kwenye rufaa hiyo, uamuzi huo utatekelezwa haraka na Serikali inaweza kuyachukua majengo hayo.
Awali Mahakama ya Wilaya ya Sestroretskiy ilikataa uthibitisho unaoonyesha kwamba ofisi hiyo ya Mashahidi inamilikiwa na Watch Tower Bible and Tract Society of Pennsylvania (WTPA), shirika la kimataifa lisilo la kibiashara ambalo limeandikishwa nchini Marekani. WTPA imemiliki na kuyalipia kodi majengo hayo kwa miaka 17. Hata hivyo, Desemba 7, 2017, mahakama ya wilaya ilitangaza kwamba mkataba wa umiliki wa WTPA hautambuliki kisheria. Ikiwa Mashahidi watashindwa wakati rufaa hiyo itakaposikilizwa na wasipopata msaada wa kisheria katika mahakama nyingine za Urusi, watapeleka kesi hiyo katika Mahakama ya Ulaya ya Haki za Kibinadamu ili ishughulikie ukosefu huo mkubwa wa haki.
Kesi itaanza kusikilizwa saa 05:30 asubuhi, Mei 3, 2018, katika Mahakama ya Jiji la St Petersburg, ul. Basseynaya, 6, St. Petersburg, Urusi.
Huenda Ukapenda Pia
TAARIFA ZA HABARI
Mahakama ya Urusi Yafungua Njia ya Kupora Ofisi ya Taifa ya Mashahidi
TAARIFA ZA HABARI
Wenye Mamlaka Nchini Urusi Wachukua Jumba la Kusanyiko la Mashahidi wa Yehova
Uporaji huo umetukia juma moja baada ya uamuzi wa mahakama ambao unatishia kuchukuliwa kwa jengo lililotumiwa na Mashahidi wa Yehova kama makao yao makuu ya taifa, lililoko karibu na jiji la St. Petersburg.
TAARIFA ZA HABARI
Mahakama Kuu Imeamua Utendaji wa Mashahidi wa Yehova Ni Kosa la Jinai Nchini Urusi
Mahakama Kuu iliunga mkono madai ya kupigwa marufuku kwa Kituo cha Usimamizi pamoja na Mashirika 395 ya Kidini yaliyopo nchini humo.