Aprili 3, 2021, Tafsiri ya Ulimwengu Mpya ya Maandiko ya Kigiriki ya Kikristo ilitolewa kielektroni katika Kimambwe-Lungu. Ndugu Albert Musonda, mshiriki wa Halmashauri ya Tawi ya Zambia, alitoa Biblia hiyo wakati wa programu iliyorekodiwa mapema na kupeperushwa kwa wahubiri wa Zambia na Tanzania. Kuna wahubiri 2,531 nchini Zambia na wahubiri 325 nchini Tanzania wanaozungumza Kimambwe-Lungu. Lugha hiyo inaitwa Kifipa nchini Tanzania.

Kikundi cha watafsiri watatu kilishughulikia mradi huo kwa miezi 21. Mtafsiri alieleza kwamba baadhi ya watu wameona ni vigumu kusoma tafsiri iliyopo ya Biblia ya Kimambwe-Lungu kwa sababu inatumia maneno ya zamani sana. Mtafsiri mwingine alisema hivi kuhusu Tafsiri ya Ulimwengu Mpya iliyotolewa hivi karibuni: “Biblia hii inatumia lugha ambayo watu huzungumza kila siku.”

Hatuna shaka kwamba zawadi hii kutoka kwa Yehova itawasaidia wasomaji wengi wa Kimambwe-Lungu wafurahie kusoma Neno la Mungu lililoongozwa na roho.—Zaburi 1:2.