Machi 17, 2019, Ndugu Kenneth Cook, mshiriki wa Baraza Linaloongoza alitoa toleo la 2013 la Biblia Takatifu—Tafsiri ya Ulimwengu Mpya katika lugha ya Shona katika tukio la pekee lililofanywa katika Jumba la Kusanyiko la Harare nchini Zimbabwe. Kutolewa kwa Biblia hii kunahitimisha mradi wa kutafsiri uliochukua miaka mitatu.

Ndugu na dada 2,500 hivi walikuwepo katika jumba hilo Biblia ilipotolewa. Wengine 43,000 waliunganishwa katika Majumba 295 ya Ufalme na Majumba 4 ya Kusanyiko. Ndugu mmoja alisema hivi: “Ninatazamia kwa hamu kutumia toleo lililorekebishwa katika huduma. Lugha iliyotumiwa ni rahisi na inaburudisha, jambo ambalo linamtia mtu moyo kusoma zaidi. Tunamshukuru Yehova kwa kutupa zawadi hii.”

Toleo hilo litawanufaisha wahubiri 38,000 wanaoshughulikia eneo la watu wanaozungumza Kishona. Pia, litawasaidia kuwahubiria watu zaidi ya 9,000,000 wanaozungumza lugha hiyo, ambao ni asilimia 80 ya idadi ya watu nchini Zimbabwe.

Kila toleo jipya la Biblia ni uthibitisho wa kwamba Yehova anabariki kazi ya kutafsiri inayofanywa ulimwenguni pote. Tunafurahi kwamba Neno lake linapatikana katika lugha za kienyeji na hivyo kuwafikia wasomaji wengi zaidi na zaidi.—Matendo 2:8.