VIJANA HUULIZA
Kwa Nini Wazazi Wangu Hawaniachi Nifurahie Maisha?
Rafiki zako wamekualika kwenye sherehe mwisho juma huu. Unawaomba wazazi wako ruhusa ya kwenda, lakini wanajibu kwa uthabiti, “Hapana.” Jibu lao halikushangazi, kwa sababu walikupa jibu hilohilo wakati uliopita.
Katika makala hii
Kwa nini sikuzote wazazi wangu husema hapana?
Ikiwa unaona ni kana kwamba sikuzote wazazi wako wanakataa maombi yako, huenda ukahisi hawataki ufurahie maisha.
Msichana mmoja anayeitwa Marie alihisi hivyo mara ya kwanza alipopata simu ya mkononi. Anasema hivi: “Baba aliniwekea sheria nyingi kuhusu ni programu zipi ningepakua, ningewasiliana na akina nani, na ningezungumza nao hadi muda gani. Hata hivyo, rafiki zangu waliruhusiwa kufanya chochote walichotaka!”
Jambo la kufikiria: Je, baba ya Marie alikuwa akijaribu kumzuia asifurahie maisha kabisa? Huenda ni nini kilichomhangaisha baba yake?
Sheria ya kudhibiti mwendo barabarani inakunyima uhuru kwa kadiri fulani, lakini pia inakulinda usipatwe na madhara; ni hivyo pia kuhusu sheria ambazo wazazi wanaweka
Jaribu kufanya hivi: Wazia kwamba wewe ni mzazi, na una kijana ambaye amepata simu ya mkononi. Wewe ungekuwa na wasiwasi upi? Wewe ungemwekea sheria zipi ili kumlinda kijana wako? Wewe ungesema nini ikiwa kijana wako angelalamika kwamba hutaki afurahie maisha?
“Sikuzote baba alisema, ‘Jiwazie jinsi ambavyo ungehisi ikiwa wewe ungekuwa mzazi.’ Kufanya hivyo kulinisaidia kuona faida ya sheria alizoweka na pia sababu ya kuziweka. Ikiwa ningekuwa na watoto, ningetarajia wafuate sheria zilezile ambazo baba yangu aliniwekea.”—Tanya.
Nifanye nini ili wazazi wangu waseme ndiyo?
“Huwezi kutimiza chochote ukilalamika, na kufanya hivyo kunaweza kukuchosha wewe na wazazi wako kihisia. Ukibishana, wazazi wako watahisi kwamba bado hujakomaa na hustahili kupata uhuru zaidi.”—Richard.
“Sikuzote wazazi wangu wana nia nzuri ya kuweka sheria. Si eti wanajaribu kunizuia kufurahia maisha; wangependa tu nifurahie kwa njia nzuri ambayo haitaniletea matatizo.”—Ivy.
Kanuni ya Biblia: “Mtu mpumbavu humwaga hisia zake zote, lakini mwenye hekima huzizuia kwa utulivu.”—Methali 29:11.
“Nilijaribu kukwepa kutii sheria ambazo baba aliweka kuhusiana na matumizi ya simu. Nilijaribu kutafuta njia za kuwatumia rafiki zangu ujumbe usiku sana au kupakua programu ambazo baba hakuniruhusu niwe nazo. Lakini baadaye aligundua tu, naye akaniwekea sheria kali zaidi kwa sababu sasa hakuniamini. Si hekima kukwepa kufuata sheria.”—Marie.
“Uwe na subira. Huenda ikachukua muda mrefu kwa wazazi wako kubadili sheria fulani, lakini wakiona unatii sheria walizoweka tayari, huenda wakakupa uhuru zaidi.”—Melinda.
Kanuni ya Biblia: “Watiini wazazi wenu katika kila jambo.”—Wakolosai 3:20.
“Kung’ang’ania jambo lako hakutafanya maisha yako yawe rahisi wala hakutakusaidia kupata unachotaka.”—Natalie.
“Wazazi wangependa kuona kwamba una uwezo wa kufanya maamuzi mazuri. Kwa hiyo ninapozungumza nao, mimi hujaribu kutumia hoja kuunga mkono mawazo ninayotoa badala ya kutumia hisia. Ninapofanya hivyo, mara nyingi mimi hufanikiwa kuwasadikisha.”—Joseph.
Kanuni ya Biblia: “Mheshimu baba yako na mama yako.”—Waefeso 6:2.
Huenda Ukapenda Pia
VIJANA HUULIZA
Ninaweza Kuzungumzaje na Wazazi Wangu Kuhusu Sheria Walizoweka?
Jifunze jinsi ya kuzungumza na wazazi wako kwa heshima na utashangaa kupata matokeo mazuri.
DAFTARI KWA AJILI YA MATINEJA
Kutafakari Kuhusu Sheria za Nyumbani
Tafakari kuhusu sheria ambazo ni vigumu kwako kutii.
VIBONZO KWENYE UBAO
Nifanye Nini Ili Nipate Uhuru Zaidi?
Wewe unafikiri kwamba uko tayari kutendewa kama mtu mzima, lakini wazazi wako hawaoni hivyo. Unaweza kuchukua hatua gani ili wakuamini zaidi?
VIJANA HUULIZA
Je, Sheria za Nyumbani Zinahitajika?
Je, unahisi ni vigumu kwako kutii sheria walizoweka wazazi nyumbani? Ona mapendekezo ya kukusaidia kuwa na mtazamo unaofaa.
VIJANA WENZAKO WANASEMA NINI
Ninaweza Kuzungumzaje na Wazazi Wangu?
Kuna faida nyingi kuliko unavyoweza kutambua.
VIJANA HUULIZA
Ninaweza Kufanya Nini Ili Wazazi Wangu Waniamini?
Hatua tatu zinazofaa zinazoweza kukusaidia upate uhuru zaidi.
