JE, NI KAZI YA UBUNI?
Ulimi wa Ndege Mvumaji
Wakati fulani wanasayansi walifikiri ulimi wa ndege mvumaji ulifyonza nekta kwa kutumia nguvu za asili zinazopitisha umajimaji kupitia mirija myembamba. Hata hivyo, uchunguzi uliofanywa baadaye umeonyesha kwamba ndege huyo hutumia mbinu bora zaidi.
Fikiria hili: Ulimi wa ndege mvumaji unapoingia kwenye nekta, ulimi huo hugawanyika mara mbili na kufanyiza ncha mbili. Kuna aina fulani ya mirija inayoanzia kwenye ncha zote mbili kwenda hadi ndani ya ulimi wake. Kwa hiyo, ncha zake zinapoingia kwenye nekta, mirija hiyo hufunguka, na ncha za ulimi hutanuka kabisa na kumwezesha ndege huyo kunywa nekta kwa kulamba badala ya kufyonza kupitia mirija yake. Anaporudisha ulimi kinywani, ncha hizo mbili hujifunga na nekta inabaki ndani yake.
Watafiti Alejandro Rico-Guevara, Tai-Hsi Fan, na Margaret Rubega wanasema kwamba mchakato wote huo huchukua “chini ya sehemu moja kati ya kumi ya sekunde.” Pia wanasema hivi: “Ncha ya ulimi wake ni kifaa cha kunasa umajimaji kinachobadilika . . . umbo kwa njia ya ajabu kinapoingia na kutoka ndani ya vimiminika.”
Mbali na hilo, ndege huyo mdogo sana hatumii nishati yoyote kufanya hivyo. Ncha za ulimi wake zinapoingia na kutoka ndani ya umajimaji, zinafunguka na kufunga kwa kutegemea msukumo tata sana unaozitendesha.
Kwa kuwa ulimi wa ndege mvumaji ni kifaa bora sana cha kunasa umajimaji, watafiti wanaamini kwamba wanaweza kutumia mambo wanayojifunza kubuni vitu katika nyanja za matibabu, kutengeneza roboti, na nyanja nyingine. Huenda pia elimu hiyo ikawasaidia kutengeneza vifaa vya kusafisha umajimaji au mafuta yanayomwagika baharini.
Ulimi wa Ndege Mvumaji
Una maoni gani? Je, ulimi tata wa ndege mvumaji ulijitokeza wenyewe? Au ulibuniwa?
Huenda Ukapenda Pia
JE, NI KAZI YA UBUNI?
Sauti za Ndege Waimbaji—Je, Ni Kazi ya Ubuni?
Ni nini huwawezesha ndege kuimba nyimbo tata na zenye unamnanamna?
JE, NI KAZI YA UBUNI?
Muundo wa Meno ya Koanata
Ni nini hufanya meno ya koanata yawe yenye nguvu hata kuliko utando wa buibui?
JE, NI KAZI YA UBUNI?
Ulimi wa Paka—Je, Ni Kazi ya Ubuni?
Paka wa nyumbani wanaweza kutumia karibu asilimia 24 ya muda wao wakijisafisha. Ni nini kinachowawezesha kujisafisha vizuri?
AMKENI!
Ncha za Mabawa ya Ndege Wanaopaa Angani
Kwa kuiga muundo wa mabawa ya ndege, wahandisi wameokoa lita milioni 7600 za mafuta ya ndege katika kipindi cha mwaka mmoja.
MAFUNDISHO MUHIMU YA BIBLIA
Je, Ulimwengu Uliumbwa?
Mara nyingi simulizi la Biblia la uumbaji hueleweka vibaya au wengine huliona kuwa hekaya. Je, kile ambacho Biblia inasema kinapatana na akili?
VITABU NA BROSHUA
Uhai—Ulitokana na Muumba?
Ni muhimu sana kuchunguza msingi wa mambo unayoamini kuhusu chanzo cha uhai.